今日係星期一，有套戲想睇加上晏Ｄ要番學校，咁又 plan 左個行程畀自己喇∼
首先朝早坐 269D 去沙田，經過九號幹線(柴灣角段)上城隧
之後轉 49X 去第一城，去左第一城巴總見到兩部13XX，又見到 200 @ 88R
然後行番出去小瀝源遊樂場搭 682 過海去太古城∼
原本估住 682 應該多數出12XX，點知黎左架 5101∼
搭 682 經過大老山隧道，觀塘繞道，東區海底隧道同東區走廊去到北角，然後行英皇道去太古城
大老山隧道 印象中冇搭過車經過，觀塘繞道都好耐冇經過，東區海底隧道都係冇搭過車經過∼
o係太古城落車，一落車已經到戲院門口，入左去買飛，
$50戲飛連32oz爆谷加12oz野飲，重有十倍日日賞$儲　抵！
未夠鐘入場，去左食ｄ野，然後去左新開o既"品良印無"睇野∼

入場 lu∼
我好少睇現代愛情片，呢套聽講幾好睇，所以去睇∼
套戲入面ｄ感情關係都幾複雜，我只係記得ｄ promo有o既對白內容
"你睇到o既未必係真，真實o既野你未必睇到"、"我o既缺點係太好記性"
呢套戲方力申唔多似主角，森美反而似，成日講佢o係出面點點點∼
而且套戲o既節奏都幾慢，睇左好耐都好似重有排睇，其實時間只係過左一個鐘∼
相比起反斗仙履奇緣，呢齣戲"襟"睇好多∼
唯一美中不足o既係，一路睇電話一路震，震左好多次∼

散左場都估到係佢打電話黎問有冇人番∼
我答佢得我囉∼
之後搭 110 過海，o係英皇道一帶架車都比較慢，到銅鑼灣又塞左陣入隧道
去到佐匯，又見到 MJ2927，影完之後去左九龍站上左 K-Train@TCL 去青衣
之後再轉 88F 番學校∼
去到得４個學員，今次已經比較多相比起上星期一
之後我又要處理Ｄ會務走左出去用電腦喇∼
Peter 番左黎，同佢一齊練黐手，Ａ班o既進度明顯快Ｂ班好多∼
今次好似係第一次準時落堂∼
落左堂之後同師傅上左我地o既大本營，畀佢參觀一吓∼
之後就走去送師傅上車然後各自散∼