今日全日都係INSTALLATION
上完上午o既堂之後, 我腦入面已經由3-phase 變左做 PLC
變左做PLC o既原因係上堂o既時候做今日要交o既 "FULL 獵" Assignment 2
經過幾小時o既努力, 一份原創o既種可以畀人下載喇~ (總之你做完, 你份功課就會變左做種!)
第一條真係非常惡搞, 足足做左接近2個鐘先做完
第二條就好易, 3分鐘KO~
上完堂之後就落左葵芳搵小智喇~
點知小智估住我地係吹水唔係真, 自己同左人一齊食 
咁唯有等到一點同 lun lun 兩個人食~
等緊一點o既時候, 當然係去左 80nn 睇相
買左張 CX客機準備降落啟德機場連獅子山 o既情景相,
將相應該係80年代拍o既, 因為架機d printing都幾舊吓
等到一點, 同 lun lun 會合左之後, 又係食老麥, 今日又豪氣左d, 食燒汁雞扒飽餐~
食完之後, 傾左陣計, 然後陪佢行到葵涌廣場, 我就搭車番去喇
由於有時間剩, 搭左 老虎蘭@43M, 15分鐘到都番到喇~
搭緊車番去o既時候, 諗住睇吓班友o係邊
點知打畀阿雞同Peter, 個個都冇人聽 (個時唔記得Peter 冇帶電話)
最後打畀阿達終於有人聽喇, 知道佢地行緊番去~
番到去之後, 就上埋一個鐘o既 installation
之後上左圖書館, 然後搭249M轉251M番屋企LU~
聽朝要好早起身去九龍灣TRAINING呀, 唉!
|
