我等左今日好耐啦!

終於比我等到今日啦,哈!哈!哈!

今日我地6E班去錢錢屋企玩,

有20個人啊,迫爆錢錢屋企啦!

我地一去到錢錢屋企就jump去佢個sofa到,

起身果陣,張sofa變晒形啦~

我,梁梁同朱朱第一時間衝入錢錢間bedroom,

jump上佢張床到,差d訓着左,

之後我地就開餐,不過我拿住部NDS玩太鼓DS,

簡直係機不離手啊!

我地玩一個遊戲叫XX畫畫,

難玩到爆,梁梁同朱朱果組玩得好勁,

不過比蔡幸燕果組反超前~

跟住我地就玩交換禮物,

蔡蔡比人換左六次先拎到,好慘!

最後,我地玩killer,好難先估到個killer係邊個,

朱朱否認自己係killer先勁,連錢錢都讚佢!

我地走果陣,樓下果層個女人怒視我地,

可能係因為我地係錢錢屋企果陣,

又大叫,又jump來jump去,搞到佢感樣怒視我地~

到左西鐵站啦,唔想同錢錢講byebye,

不過始終都有講到,下次再見啦!

我地下次會再去你屋企同埋探你,Miss Tsim架~

今日係聖誕節,都ok開心既,

訓到12:00起身,睇書睇到4:00,

又同楊嘉恩去樓下逛兩逛,

到左夜晚同屋企人食火鍋,

好變態啊,d野都未熟,家姐就食啦!

今日好似無想像中感開心,好無聊~

今日同楊嘉恩去左溜冰,

第一次同佢去,佢唔識溜冰架,

佢就來跌果陣扶住我,嚇得我!

不過都好好玩,今日係我有史而來,

溜得最慢既一次,真係......好好玩~

要我教人,不如叫我去死,

我最憎教人架!!!

距離27/12仲有3日,

好快就到果日啦,超期待,

提醒下大家,

果日10:30會係南昌站等,

唔好遲到,會有懲罰架(除左我之外),

記住,如果中途唔來得,要同我地講,

唔好要我地白等~~~~