今日,lunch time,本來諗住成級落去步操的,但有d人又唔肯落,有d又縮沙,等左超耐都唔黎!之後又上番去,主席竟然喊wo,驚嚇!之後佢又粒聲唔出,歌都唔唱(平時成日唱,仲要係甘唱同一句個種),死哂甘,見到都想打佢!之後都決定左將步操既範圍縮細做班會活動,但都有成半班話唔得閒,放學個次唔去,但之後個d就可能去!只有2個決定以後都唔去!放學就落去啦,比d f.1包圍住黎操,超大陣汗味啊佢地!跟住就上去圖書館還書啦,最後緊係番屋企啦!今日係甘多!finish∼

LEE幾日都冇打到日記,唔得閒打!LEE幾日超多人病,前幾日都冇事的,但係因為某人死都要同我+李穎彤食飯,搞到我地都病埋,真是"好人"喇!加上我又比D病人圍住哂,唔病都變病啦!><仲有啊,鄭SIR要走了,我地真係慘啊,都唔知要比邊個教TIM GA!即使鄭SIR成日搞爛GAG,但都幾好人丫,千祈唔好比陳德森OR李KAI賢教啊,唔係我既前路就一片黑暗了!

今日約左依玲姐同啊羊去買生日禮物啦,之後啊羊買左個銀包比我,依玲姐就遲d先啦!之後又屈啊羊請我地食手作D雪糕,好味!行到3點幾,就去啊羊屋企做firework啦,基本上我只係做左小部分,eg,搵圖,cut左dd野同埋左小小意見甘,其他都係依玲姐幫我做既,依玲姐真係偉大!但係佢話要我請佢食野,不過lee個世界上又真係冇甘著數既野,so都冇所謂啦!不過有一樣野我真係估唔到既,就係我地竟然要做成2粒鐘wo(包括搵圖,同人msn,食野,講笑同埋真係做野既時間!)仲有一樣野不得不提既就係,我同啊羊各有一罐野飲啦,佢係甘飲我個罐wo,仲飲左成2次,我又用紙巾抹左2次,佢仲要倒瀉自己個罐野wo,勁無奈啊!到左6點幾就番屋企lu!!

終於到左星期5了,又有2日休息了!哈哈!唔知係咪因為甘,而過得開心d啦!math要test,唔多識,應該會肥ga啦!><上histoy個時,miss派番張討論紙比我地啦,我同李穎彤同埋主席係甘係張紙到畫野啦,之後又係度摺佢wo,又丟來丟去甘,之後丟左去我前面個個度,之後就係度傾計啦,我知道左一陣要收番之後問張紙去左邊,點知我前面個個丟左落垃圾桶wo,咪叫佢拎番lo,佢就扮哂野拎張test paper同張討論紙對換,張test paper仲要係人地ga wo,之後我地係甘整番直佢啦,比miss見到,佢話:「一陣要收番ga wo!」鬼唔知咩,唔係我點會叫人係垃圾桶拎番姐!之後狂係度笑,其他人仲以為我地傻左tim ar,但真係超好笑lo!!下午上pl,都唔係好悶,ok好玩啦,不過番到去要做超多野lo!!=.=之後中史,李穎彤竟然要做第一個比人罰既人,甘岩我又唔記得,幫唔到佢,好慘!之後就放學番屋企了!番到去就緊係玩電腦啦!今日係甘多,唔打了!

幾日都冇打日記了,因為今日我生日就打幾隻字啦,其實都冇咩特別野發生既,只係啊媽比左$100,老豆話冇$唔比wo,姑寒啊!><而且因為聽日要math test,so唔打要溫書了,88!