今日中文堂考試.

題目係"模擬入職面試"

我同幾個同學第一批比miss一對5考完之後.

就幫miss做面試官.

由我地做面試官.考其他同學

考人同被考時的心情真係完全唔同.

之前o既緊張壓力完全放低曬.

仲可以任由我地黎評分比其他同學同評語.

咁大個仔.從來都只係人地給我分數.

真係未試過可以咁樣給分數比人.(平時係街見到暗地裡比分果d唔計)

面試中.真係遇到好多搞笑聲面.

有d同學"聲稱"自己學歷係法國大學.海外回流.

又有d平時口多多同學.面試時竟然啞口.

有d又"銀腳".有d一答問題時就"戚一戚"眼鏡.(勁小丸子果個班長feel.差在冇閃一閃鏡片)

最好笑要回答最後一題時,要指定用普通話作答.

個個都啞左.一係用佢以為係國語o既純正偏歪的廣東話黎作答.可觀性甚高

不過有d同學真係做足準備.睇佢衣著同平時真係唔同左.

對答都表現誠懇,上進心,全程都表現好好.

比我係老細.真係會請呢d人.

今次做面試官呢個機會真係好好.學到好多面試時的技巧.

不要翹腳,答問題時要望住人(not兇光).面對唔識答的題目時.

千祈唔好停左唔出聲.點都要答.最多都係答錯.唔答就比人覺得你表現很不濟.

同埋唔好回答和別人相同性質的答案.最差的答法是"之前的幾位都已經說了.我和他們一樣"

(咩都同人一樣.咁洗鬼請你咩).最後用國語回答時.就算發音不好.都要嘗試講.

只要講得流順暢,都會有一定的分數.你越驚,越慢.只會特顯你的缺點.可能之前

的良好表現一下子拖垮了.

這是我今日的所得.覺得真係好好玩.學到好多野.

我深信日後我要面對的面試.一定會表現得良好的.

1516點樣面試先被人取錄?

表現誠懇,答題中point,羅硬制服