早前已經講過酒店篇及飲食篇啦!!!
文章回顧: ♥♥ 冰天雪地韓國遊 ♥♥ の 酒店篇
                 ♥♥ 冰天雪地韓國遊 ♥♥ の 飲食篇

今次就到五天既行程及玩樂啦~~
其實跟團有好有唔好, 好既就係唔駛自己搵行程;
唔好既就係可能有D 會唔鐘意去或玩''*

第一天

【景點一】平昌釣鱒魚



地點就係平昌啦!!!! 原本有好多韓國都喜歡黎釣鱒魚架~
越凍既天氣D 鱒魚就越肥美''*



拎全這個東東, 再係冰上鑽個冰活就可以開始架啦!!!
由於平昌係郊區, 當日雖然係下午但係依凍到變冰條啊~~~

【景點二】咖啡博物館
 

係哩度試飲下韓國既咖啡~

同埋睇下佢地整既過程!!

除左飲之外, 我地仲親自煮咖啡豆啊~

不過小心整到件衫黑哂, d 灰會飛到周圍都係架!!!

煮好既咖啡豆就可以拎去磨粉啦''*

我地既製成品出左黎啦, 返到香港我都用咖啡機沖過黎飲!!

味道都唔錯架~~

咖啡博物館既其中一幅牆有對天使翼架!!
可以扮下天使影張相, 好得意呢~~

另外個度仲有d 木製既搖搖千秋, 後面仲要成地雪!!
成個view 靚哂啊~~''*

【景點三】太陽郵輪酒店
 

之前係酒店篇都介紹過!!!

佢係外表設計成一隻郵輪既酒店來架~~

房間對出既景色, 真係靚到爆啊~!!
係間房入面望住個海真係好舒服 (但係當時係零下十幾度=.=)

酒店出面都唔錯架, 有一大片草地加上一望無際既大海''*
睇日落日出就最正啦!!!

附送一張肥仔扮跳海既相~!!!
佢真係攪笑又低B 啊''*

第二天

【景點一】沙漏公園

黎到沙漏公園, 當然係因為個度有好大既沙漏時鐘!!
入面既沙粒足足要流足1年架~~
所以韓國會係每年既1月1日係哩度舉行倒轉沙漏既儀式, 代表住新一年既來臨''*

附近仲有一架唔運行既火車, 但已經成為左火車博物館~
而且又有好靚既搖搖千秋, 梗係唔可以唔影相啦!!

哩個沙漏公園係正東海既海灘~
係度吹下海風, 休休閒閒都唔錯啊 (冬天就免啦)

【景點二】軍艦博物館

上面個隻就係南韓退役既軍艦啊~~
入面已經變成博物館架啦, 大部分既物件都保留住架!!!

右下面個隻就係北韓特攻隊滲透南韓既鯊魚潛水艇~
由於佢黎駛得太接近海底, 所以觸礁而被韓國既人發現架''*

【景點三】正東津火車站

我地將會搭火車由正東津站去江陵站''*

等候期間我地就係火車軌上面影相~

第三天

又到滑雪既時候, 成身都係粉紅色既裝扮!!
再戴埋上次黎韓國WONDERLAND 買既狸貓帽喔~

我同肥仔都包都實一實咁!!
因為上山個時真係超凍架, 一定要包埋個鼻同口架''*

第四天

【景點一】整泡菜 + 試穿韓服

差唔多跟團必到既地方, 就係整泡菜啦!!!
整完佢地係會送去韓國既孤兒院比d 小朋友架, 唔會浪費~

穿韓服影相啦, 隻肥仔又係度攪鬼, 做埋d 低B 動作''*

仲要交換頭飾添~~~

最後附送肥仔穿韓服既相比你地笑下''*

真係好抵死架~~

第五天都係係明洞行下街, 去下D 人參/護肝寶專門店咁啦~

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~

Email: [email protected]

．

．

．

．

．

．

．

．

．

．