元朗這地方, 我一年黎既次數一定一隻手都數得哂!!!
但原來元朗真係好多好野食架~~~

早前一行 7人入到黎元朗搵好野食''*
來到大陂頭徑的【極品雞煲火鍋專門店】

地點對於不熟路的我來說是不好找的''*
但係這地方附近都有很多食肆, 而且仲有 B仔涼粉呢!!!
蠻熱鬧的喔~~

鋪頭細細, 內裡裝潢簡單, 較為平民化''*
但店員係 Nice 很快手~~
而且天氣好的話, 可以坐出店外進食, 很地道既感覺!!!

店內寫好哂是日新鮮海鮮, 以及火鍋及雞煲類食品!!!
而且價錢相宜, 海鮮都不算太貴呢~~~

當然不少得這裡最出名的深海大龍躉''*
店主會定時購入新鮮龍躉作龍躉鍋, 而且仲有龍躉其他部位作火鍋配料：
有不見天, 魚扣, 魚腸, 魚唇, 頭腩, 龍躉球, 龍躉翅, 龍躉腩等等.....

先來一點小食~
有酸酸辣辣的手拍青瓜及很爽的陳醋木耳!!
十分開胃''*

首先我地叫左一個【極品雞煲(半隻)小辣】及【極品閩南龍躉鍋(小)】
都係這裡出名既料理來的~~

這個半隻的極品雞煲只叫了小辣, 望落去雞件都好多~
仲有唔少配料如洋蔥及芫茜, 大約煮多 8分鐘左右就可以食啦!!!!

煮好後非常香, 雞件都幾嫩滑又入味''*
辣度為小辣, 由於同行朋友不好辣, 如果可以再辣少少就更好~
而醬沖味都濃郁, 整個雞煲多說很不錯!!

食哂d 雞件之後就可以加湯再煮, 就可以打邊爐啦''*
打邊爐時個湯底仲有小小辣味及醬汁味呢~

再來既係令人期待既【極品閩南龍躉鍋 (小)】
鮮甜無比的奶白色魚湯, 令人一飲再飲, 真係一流啊!!!
個湯底係用上龍躉肉及蔬菜去煮, 仲有小小胡椒味~

鍋入面真係有好多大大舊既龍躉肉架~
雖然煮湯係用上龍躉肉, 但係肉質嫩滑又唔"鞋"口!!!
真係好正, 這個龍躉鍋係必食之選''*

唔夠喉仲可以另叫龍躉其他部位來打邊爐~~
我地叫左龍躉球同埋龍躉腩, 肉質同樣鮮味彈牙又夠滑!!!
愛食魚既我, 簡宜覺得超正又抵食''*

打邊爐點少得肥牛~
雪花肥牛同手切肥牛都係我必點之選!!!

梗係唔少得海鮮類啦~~
包括生蠔(HK$55), 海中蝦 (HK$58), 鮮帶子 (HK$68), 帆立貝(HK$58), 鮑魚(HK$68)''*
全部都非常新鮮架!!!!

鮮帶子六粒都係大大粒架, 而且好細心咁切開左~
而鮑魚都係 HK$68 有6隻, 好抵食!!!

仲有美國桶蠔 (HK$138)
一共有6隻, 全部都大大隻架, 有成隻手指咁長!!!
又大隻又好肥美喔~~~~

除左海鮮, 仲有其他不同既配料~
墨魚滑, 牛柏葉, 脆肉鯇魚片, 九肚魚, 脆炸響鈴''*

九肚魚係我打邊爐必點既, 好新鮮啊~
響鈴好香脆不錯, 而墨魚滑都好滑溜呢!!

食咁多咁多海鮮同肉, 梗係要食返 D菜啦~~~
一碟嫌太多既話, 佢地仲有雜錦菜籃可叫, 咁就唔怕太多浪費左啦!!!!

栗米加上龍躉鍋既湯底, 真係甜上加甜''*
我哩個栗米怪出動啦!!!!!!

一大班人一齊打個邊邊食下雞煲, 又談天說地~~
真係非常飽又滿足既一晚!!!
要多多出黎聚下喔''*

宜家極品雞煲火鍋專門店新張期間仲有唔少優惠喔~~~
由於店內唔太多位置, 如果一班人黎既記得預早訂定位啊!!!!
仲有外面既位置可以提供架''*


極品雞煲火鍋專門店
地址：元朗大陂頭徑2-12號華盛樓地下 A4-A5鋪
電話：2470 1262

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

theZtyle．BeautyLife．BeautyExchange．FnB．she.com．ELLE．Sina．Ubeauty．Qooza
．Blogspot．BlogDB．FanPiece．WeShare 

Kami 嘉美 の 貪靚鬼愛分享

Promote Your Page Too