講到大澳, 其實是我家的 "鄉下"
可說是大澳的原居民 (爺爺的時期), 所以係大澳我地係有間棚屋架~~

回想起一到暑假就會有唔知天后誕定什麼誕, 我必定會跟爺爺返去住返幾日''*
個時真係好開心, 同唔識既小朋友玩, 冇爸爸媽媽管住, 任意咁周圍走!!!
真的很懷念, 宜家一到清明節拜山都會返去一次~~~

還記得這條橋係我細個個時係仲未起~~~
仲係要比幾毫字搭船仔過對面架''*

而大澳這個著名既士多, 係我某某親戚開的~
其實我都唔知那親戚係邊個,只係次次黎都要入去打招呼!!!

哩度仲要廿幾年都冇變, 個 7隻小矮人都仲係度 (仲好新淨)
其他紙皮公仔都一樣, 仲有唔少人係度影相留念呢~~

這裡就係我家的棚屋啦~
由於冇人住就分租左出去, 我細個個時就係哩度扎扎跳架!!!!

放低D 野等去拜山既時候, 就係美食之旅既開始''*
其實大澳真係好多好味既野食架~

❤ 碳燒雞蛋仔  (大澳吉慶街59號地下)

哩個碳燒雞蛋仔好出名, 個個黎到都會食架!!!
仲要賣哂就無, 朝早就冇咁多人排隊, 一到3,4點已經見佢收左檔啦~~
雞蛋仔每粒都好脆又好有蛋香味, 熱辣辣好正''*

❤ 沙翁 (大澳餅店)

係雞蛋仔對面就有新鮮炸起既沙翁~~
如果鐘意食甜D 既記得要叫佢多糖喔!!!!
外脆內軟又熱辣辣, 好味''*

❤ 車站豆腐花  (大澳永安街57號)

哩間鋪頭以前真係係車站個度架~
但之後就搬左去後街, 但係始終豆腐花黎講始終都係佢最好食!!!! (可能由細食到大呱)
豆腐花又香又滑, 每次黎都必食架''*

當然唔少得必飲既【紫貝天葵】
其實佢係山楂咁既味道, 好消暑角渴架!!!
仲有好耐冇食過既冰菠蘿~~

❤ 香妃卷  (大澳小食 / 大澳吉慶街70號)

這個香妃卷係最近哩幾年見到, 好似係由韓國引入???
一塊薄薄既蛋皮包著蔥, 蛋散, 芫茜, 紅蘿蔔絲及醬汁等等, 然後包好就食得!!!
即叫即整, 仲會幫你分好哂你想要既份數''*
口感很豐富又香口, 都不錯呢~~

仲有唔少得既燒魷魚, 機乎檔檔都排哂長龍架''*
我最喜歡就係食燒瀨尿蝦乾啦, 食過既就知正啦!!!

另外宜家大澳都開左好多特色既店鋪同 Coffee Shop''
都好值得大家去睇下架~~~~

有香港威尼斯之稱既大澳, 大家可以趁 weekend 入去行!!
睇下風景, 食下唔同既特色美食, 郊遊一下吧''*

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

theZtyle．BeautyLife．BeautyExchange．FnB．she.com．ELLE．Sina．Ubeauty．Qooza
．Blogspot．BlogDB．FanPiece．WeShare 

Kami 嘉美 の 貪靚鬼愛分享

Promote Your Page Too