好多朋友都知道我好為食又好大食''*
最鐘意試唔同既菜式, 而特別喜歡泰越菜架啦!!!

某個星期日, 約埋幾位好友一齊去美孚新村食個晏~~
第一次黎真係好覺得好特別, 圍住個屋村既全都係小商鋪''*

今次就揀左這家【小越南】
店鋪以白色簡約為主的街坊小店~~

下午茶既時間見到人流都很多, 來來回回都見有好多顧客進來''*
店鋪既窗外都貼滿推介美食, 款式很多, 見到都流哂口水!!!!
而且價錢亦很平民化, 唔算太貴喔~~~

店員亦很主動推介各種美食!!!
好快我地就點左好多樣, 大部份都係海鮮類架添~~
睇相已經令我地好期待啦''*

首先叫左杯青檸梳打黎解一解渴先!!!
冰涼感覺即時爽哂~~

❤ 秘製牛油雞翼

這個是店內的招牌菜, 係必食之選!!!!
雞翼係熱辣辣上台, 炸得好香脆, 又不算太多油；
仲有好多生蒜蓉, 入面肉很嫩, 真係令人食唔停口既小食''*
好想 ENCORE 多一份啊~~

❤ 越式蝦柚子沙律

這個沙律十分大碟, 用上好新鮮既越南蝦, 仲起碼有5-6隻架~
另外仲有木瓜絲, 青瓜絲, 蘿蔔絲及柚子等等配料!!!!
酸酸地好FRESH, 非常開胃既菜式''*

❤ 牛油蒜蓉焗帶子

4隻帶子隻隻都一樣大小架~~
隻隻都好大隻, 一整好就熱辣辣上台!!!
聞到陣陣既牛油蒜蓉味, 一啖食落口好滋味好滿足啊''*

❤ 越式海鮮酸辣湯

十分足料既酸辣湯, 配料非常多啊~
有越南蝦, 螺肉, 蜆肉, 蕃茄等等的配料!!!
味道係帶點酸而辣味較重, 係我喜歡既味道來啊''*
一個大概可以分左4碗左右啦~~

❤ 牛柳粒炒紅飯

看似普通既菜式, 其實估唔到有驚喜啊~~
飯係以西炒飯作紅飯, 而牛柳粒質感軟淋, 醬汁又入味!!!!
用個醬汁撈飯食都好好味, 絕對係飽肚之選''*

❤ 小越南香炸大頭蝦

終於黎到重頭戲啦~~
就係令人期待已久菜式【小越南香炸大頭蝦】
隻大頭蝦同隻叉一樣咁長又大隻啊''*

用炸既方法去整大頭蝦, 熱辣辣咁上台~
上面仲有好多炸蒜, 令人流哂口水!!!

切既時候聽到脆卜卜既聲, 切開左之後就見到白雪雪既肉!!!
炸粉厚度剛剛好, 似質好鮮嫩彈牙, 而近蝦頭位置仲有好多蝦膏~
絕對係必食既菜式, 仲要係我既至愛添''*

我地4個女仔叫左 2隻 SHARE 都真係剛剛好!!!!
肉質好厚身, 食半隻都已經飽左啦~~~


今次真係好高興同好力們食左餐又飽又美味既越南菜''*
下次一定要同男朋友黎品嚐多次先得!!!

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

theZtyle．BeautyLife．BeautyExchange．FnB．she.com．ELLE．Sina．Ubeauty．Qooza
．Blogspot．BlogDB．FanPiece．WeShare 

Kami 嘉美 の 貪靚鬼愛分享

Promote Your Page Too