Happy Friday 最好去食雞煲打邊爐, 飲下啤酒架啦!!
不過食得多又會好熱氣, 真係又怕又想食啊''*

今次真係有好介紹啦~~
就係位於尖沙咀山林道既【尚上夏下•養生雞煲火鍋】
主打雞煲以及養生湯底''*

內裡設計很摩登, 有別於一般的火鍋店!!!
店內以白色為主調, 簡約得來有咖啡室的感覺~~~
大概有十多張台, 要來一定要訂台啦''*

這裡特別的地方是雞煲可以任選雞件的部位~
而辣度當然有得揀啦, 食完雞煲仲可以加湯黎打邊邊添!!!
當然少不了吃火鍋的調味料, 這裡的款式也不少''*

由於太肚餓的關係, 先點了個小食：溏心皮蛋豆腐 (HK$48)
不知道為什麼很喜歡吃皮蛋, 溏心的更為滋味；
那豆腐很滑嫩又夠豆腐味, 作為餐前小食亦算很大碟~~

另外這裡更有健康特飲, 都以果汁為主''*
我就點了這杯果粒粒蘋果汁, 可以幫助消化及強健腸胃的喔!!
味道不太甜又很解渴~~

我們 3人點了雞煲鴛鴦鍋~~
因為人少所以只點了小份的雞脾拼雞胸肉, 味道是中辣的!!!
另一邊揀了瑤柱群翅雞湯作火鍋的湯底''*

當雞煲煮滾後, 那香辣的味道已經撲鼻!!!
雞煲內除了雞件之外, 仲有洋蔥及豬皮, 完全已經入哂味~~

個人覺得中辣已經有點辣, 麻麻的但辣得過癮；
而雞件完全冇骨, 食落啖啖雞肉, 仲好嫩滑, 一點都唔 "鞋" 身架''*

食完雞煲就可以加湯底打邊邊~~
這個我們揀選了養生藥膳湯, 很濃郁的藥材味道；
飲一啖果然是藥材湯, 應該很滋補的吧!!

而且將濃味的藥膳湯加落辣味的雞煲裡, 都沒有影響原來的味道~~

只食雞煲梗係唔夠喉啦~~~
作為牛魔王, 打邊爐不可少得既就梗係牛啦!!!
我地點了小份的手切極品靚牛皇 (HK$198) 及小份的頂級牛柳粒 (HK$108)

牛的質素不錯, 油脂位不多且牛味濃, 手切的果然不同；
而牛柳粒份量不少, 而且粒粒都好厚身, 令食落非常有口感''*
 

海鮮方面我們點了：
桂花蚌 (HK$88), 花甲皇 (HK$78), 珊瑚蚌 (HK$88) 及脆肉鯇魚片 (HK$69)

珊瑚蚌及桂花蚌好新鮮又鮮甜, 完全沒有腥味；
脆肉鯇魚片很爽脆, 而花甲皇隻隻都好大隻的喔!!

當然少不了飽肚的丸類, 有招牌四寶丸及手打三色滑''*
四寶丸包括貢丸, 墨魚丸, 芝心丸, 辣牛丸；
而三色滑有墨魚滑, 鯪魚滑及蝦滑!!!

另外還有特色的鬼馬墨魚, 原來是油炸鬼醲墨魚來的~
只要反轉蟹籽墨魚那面滾兩分鐘就食得；
小心滾得太耐油炸鬼會變淋身, 就唔好食架啦''*

仲有佢地自家製響鈴, 即叫即整架~~
新鮮炸起上台, 放落鍋度一下拎返上黎說食得, 仲係好脆卜卜的喔''*

食咁多肉類及海鮮都要食返 D 蔬菜~~
分別有粟米, 靈芝菇, 雲耳, 蘿蔔片等等, 清一清油膩!!!

食物質素及服務都算不錯；
平日都有不少人幫襯, 由於地方不太大, 多人食既真係要訂台喔''*


尚上夏下•養生雞煲火鍋
地址：尖沙咀山林道 23號地下

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too