就黎又要食團年飯啦~~~
大家有冇心水既中菜餐廳呢???

最近朋友們帶左我去灣仔合和中心既【唐宮壹號】晚飯；
呢度由一般中菜菜式到矜貴菜式都一應俱全, 並以手工菜為名呢!!!

一走進就覺得很有氣浪, 餐廳心光閃閃的''*
裝潢非常雅緻, 還有以鳥籠設計的卡座, 十分特別!!
就連擺放於台上的餐具都很齊全, 十分貼心~~

一坐下侍應就端上兩款餐前小食~~
風乾紅椒配花生, 不要看色澤紅紅的, 其實並不辣的；
還有豆腐乾, 乾身又脆肥口''*

同時侍應亦推介我們這支 【無酒精紅酒】
其實它是來自加拿大的 100% 純野生藍莓汁；
零添加的藍莓汁酸甜適中, 男女老幼都岩飲, 既健康又能明目''*

先來的有【滬式青瓜苗】
第一次食連花芯的青瓜苗, 酸酸地又爽口；
還有蒜頭作調味, 很開胃''*

這道是【吉祥紅提】
無論怎樣看它都是一顆紅提子, 但原來它是冬瓜粒並注入了紅菜頭汁!!!
其外型精緻外, 微酸甜的味道真的很像粒提子''*
這個絕對是手工之作, 睇得又好味~~

【水晶鹵鴨舌】 這道冷盤用匙羹盛放~~
凝固了的水晶汁中放著去了骨的鴨舌及少許裝飾；
一整個放入口, 口感似啫喱及帶有少許酒香味!!

今晚的老火湯是【金銀菜燉白肺】
超足料又很巧功夫的湯水來, 除了金銀菜外還有雞肉, 白肺及瘦肉；
味道很清又不油膩, 而白肺既乾淨又滑嫩, 真係以形補形架!!

新張期間, 唐宮更有特別優惠：
每位都會敬送半隻招牌燒乳鴿, 色澤好靚而且係熱辣辣上台!!!
送既都絕不馬虎的喔~~

燒得皮脆可口, 肉身又厚又嫩滑；
而且每咬一啖都充滿肉汁, 帶上手套食就最為滋味!!

原來這裡用的都是自家農場養殖的 BB乳鴿~~
可以好好控制貨源外, 仲確保佢地係最鮮嫩的乳鴿仔''*
(你地絕對食唔到老乳鴿架!!)

鮑汁扣珍寶鵝掌伴野菌份量不少喔~~
大大隻鵝掌, 以鮑汁煮成, 入味之外仲非常軟腍；
長方形的是野菌, 很鮑魚肉的樣子, 而那玫瑰花形的菜同樣是重點, 十分精美!!!

魚籽醬軟殼蟹看上去已經感覺很香脆；
用上魚籽醬焗製, 惹味得來令軟殼蟹變得外脆內軟!!!
一咬下就聽到脆口的聲音, 很讚''*

雲耳勝瓜泡海生蝦, 蝦先用蛋黃炸過再浸泡於湯內；
配上雲耳及勝瓜令整道菜消減了熱氣感!!
這一道正好可解之前的油膩''*

甜品當然也是中式的, 包括：玫瑰豆沙包及山西棗皇糕

玫瑰形狀的豆沙包真的很吸晴, 味道不太甜；
但包身可能因影相影得太油的關所以凍了及有點硬身!!!
而棗皇糕的棗味很重, 微甜且煙煙韌韌,挺不錯~~

最後還有燒脂菜汁''*
新鮮用蔬果窄出, 可以消脂消滯!!!

先飲綠色的, 由菜心及青檸調合出來, 味道有點像奇異果汁；
而紅色的有紅菜頭及菠蘿, 味道酸酸地正好解滯呢''*
兩者味道都很不錯, 仲好特別添~~

整餐晚餐每人約 HK$500, 以手工菜來說價錢都算OK!!
全部都很精緻, 睇得又好味既中菜, 不易找呢''*

唐宮壹號
地址：灣仔皇后大道東 183號合和中心 8樓


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．iTrial．MyCossip．
Qooza．QoozaBeauty．she.com．Sina．Style-Tips．theZtyle．UBlog．WeShare

Kami 嘉美 ソ 貪靚鬼愛分享

Promote Your Page Too