平時屋企人都十分喜歡食放題~~
但銅鑼灣區既燒肉夜題真係少之有少!!!

早前見到好多網站都介紹一間新開既燒肉放題店；
就即刻打去 BOOK 台試一試佢啦"*

就係位於金利文廣場 3樓的【尚鮮日式燒肉漁市場】
係一間任食日式燒肉的放題店"*

佢地係用平台電腦黎點菜架!!!
非常方便, 你想點咩禁個擊就 OK, 但要留意 +1 即係得1件架咋~~~
所以點菜時要留意呢一點呢"*

最讚既係佢地有埋玫瑰海鹽, 真係好少地方有架!!
食燒肉時蘸少少已經好好味啦~~

一坐低不久, 店員已經奉上刺身船啦~~~
可以先享用左刺身先, 再慢慢點其他野食!!!

刺身船有成 8款刺身, 包括：
三文魚•甜蝦•帶子•北寄貝•八爪魚•榮螺•螺片•希靈魚
全新既新鮮又沒有雪味, 不錯喔"*

佢地最近六月份仲做緊推廣, 只要 like 尚鮮 FB page 及 share POST；
每 4人同行即送上馬糞海膽一板喔"*

真係滿滿既一板海膽架~~~
附有紫菜及青瓜絲, 馬糞海膽色澤不錯, 而且很鮮甜!!!!
有海膽食真係好滿足喔"*

另外同時會奉上燒肉拼盤, 可以每款試左味先之後再追加"*

睇得見各款肉類的色澤也不錯, 肥瘦均勻；
喜歡濃味既可以點已調味的肉類, 喜歡原汁原味的可以點新鮮肉類!!!
款式也非常多, 另外仲有好多海鮮係任點任食的, 如帆立貝, 虎蝦, 鯖魚等~~~

同屋企人食飯梗係要食豪少少啦~~~
這盤是加錢 HK$198 既【二人前海鮮和牛盛合】

海鮮包括珍寶虎蝦, 鮑魚, 大扇貝, 4件生蠔；
樣樣都好大隻, 而且睇得出好新鮮!!!
而和牛份量也不少呢"*

生蠔及帆立貝都很大隻, 而且很新鮮；
燒完加點玫瑰海鹽一同食用, 味道更鮮甜呢!!
而鮑魚既大小適中, 鮮味十足~~

燒海鮮真係原汁原味最好食, 正丫"*

另外仲點了肉類, 厚切牛舌, 安格斯牛小排是必點之選!!!
食肉及海鮮後, 都要點 D蔬菜及小食中和一下"*

除此之外仲有日式炸物及天婦羅；
喜歡榴槤的一定要點這個【榴槤炸彈】
入面係流心既榴槤蓉, 外面炸得脆卜卜, 而且榴槤味超濃!!!!

食到咁上下, 又點左蒜香牛油龍蝦尾 (HK$128 / 隻)
是需要另外付費的項目!!!!

鋪滿蒜香牛油既龍蝦尾, 睇見都好正啦~~
而且龍蝦尾大小都算適中, 食落啖啖肉咁又夠鮮味；
加上充滿蒜香牛油香, 用燒烤這方式食係最惹味的啦!!!

最後每人仲可以選一杯 MOVENPICK 雪糕；
有三款口味可選擇, 朱古力味真係夠濃味, 完美既句號!!

呢度既紙包飲品及罐裝汽水都係任飲的丫, 自己去飲品櫃拎就可以~
而且食物質素不錯, 只係抽風系統仍需改善一下呢"*


尚鮮日式燒肉漁市場
地址：銅鑼灣謝斐道 496號金利文廣場 3樓
電話：2117 4267 / 2117 4268

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．iTrial．Miniwise．
MyCossip．Qooza．QoozaBeauty．she.com．Sina．Style-Tips．theZtyle．UBlog．
WeShare

Kami 嘉美 ソ 貪靚鬼愛分享

Promote Your Page Too