來自日本九州佐賀縣既超人氣芭菲大王 UFUFU CAFE
早前已經登陸香港尖沙咀, 已經吸引了不少人士到來潮聖一番"*

UFUFU CAFE 至今已經有 15年歷史~~~
店內提供 115種不同口味不同配搭的芭菲, 迎合不同客人的口味!!!

原來佢地個名字都有特別意思, UFUFU 是以笑的諧音命名；
因為人們笑起來的笑聲似【U-FU-FU】
所以希望所提供的食物能令每一位客人帶著快樂的心情進食, 會心微笑地離開"*

首間香港店舖, 更特別設計了 4款獨一無二港式芭菲作為香港限定口味!!!
分別有：【港式鴛鴦芭菲】【豆腐花 x 芒果芭菲】【日本蜜桃芭菲】【楊枝甘露芭菲】

而且香港限定版港式芭菲每日限量供應各 20客；
最吸引既一定係日本蜜桃芭菲, 想食真係要快手呢~~~

這杯是抹茶忌廉黑糖拿鐵 (HK$42)
抹茶味挺濃, 配上淋有黑糖醬的忌廉亦不會過甜；
而且夠凍, 有點像鮮奶抹茶的味道, 不錯!!

未食甜品之前一定要醫飽個肚先"*

呢個日式燒汁蛋包飯 (HK$78) 十分好食；
燒汁味道剛好及醬汁夠多, 每一啖都可以包著蛋及飯!!
而半熟的蛋很滑溜, 內裡的茄汁炒飯令落不會太單調, 食完一口又再想食"*

蜂蜜芝士薄餅 (HK$58)
這款薄餅十分特別, 滿滿的芝士於脆薄的薄餅上；
再以行淋上蜂蜜, 可以個人口味淋上多少~~
但味道方面不太有芝士味, 可能係被蜂蜜蓋過, 大部份只有甜味!!!

到主角啦!!! 當然要食香港限定既日本蜜桃芭菲 (HK$120)啦~~~

上面以簡單既鮮忌廉作為裝飾, 中間係原個日本蜜桃；
再來既就脆脆米, 忌廉, 最底既係西瓜蜜瓜粒, 挺特別的呢"*

雖然價錢要成 HK$120 咁貴, 但係佢地用既都係日本空運到港既蜜桃；
味道超鮮甜, 絕對唔係浸過糖水既蜜桃黎, 食一杯已經覺得好滿足!!
個人覺得這個是必試的~~

楊枝甘露芭菲 (HK$78)
港人非常喜歡既港式甜品放上芭菲上, 真係十分有創意；
特別調配的楊枝甘露芭菲就好似立體日式版既楊枝甘露糖水咁!!!

頂層係芒果粒及柚子肉, 再淋有芒果醬汁；
中層係芒果及雲呢拿雪糕, 最底層就有椰汁西米醬!!!
整個味道都跟港式的味道一模一樣, 而這個芭菲就多了不同的口感"*

港式鴛鴦芭菲 (HK$78) 岩哂我呢個鐘意飲港式奶茶及咖啡既人啦!!!
頂層有鮮忌廉, 香蕉, 士多啤及藍莓等生果；
中層就係奶茶味及咖啡味雪糕, 而最底層就有自家製既咖啡暏喱~~~

味道有齊香濃既咖啡味及濃滑既奶茶味, 令我這個愛好者食完再食"*
不過咖啡暏喱有點淋身及太碎, 很難先食到佢地!!

黑加侖子x芒果雪糕沙冰 (HK$65)
由黑加侖子混合了芒果製成的沙冰, 十分冰凍且透心涼!!!
味道酸酸甜甜的, 沙冰夠幼滑又有口感；
底層就有脆米及生果粒, 夏日感十足"*

一次過食左幾款芭菲, 個人表示非常滿足!!!
有成 115款咁多, 可以不停再黎試埋其他款式添"*

提提大家, 如果想黎 UFUFU CAFE 記得打電話 BOOK 定台丫~~
其實都幾易BOOK, 同埋佢地限食 1.5小時咋!!!
仲有佢地棟大廈得一架電梯, 而且都超碼要等 5-10分鐘先上到 5樓, 記得預返時間丫"*


UFUFU Cafe
地址：尖沙咀金馬倫道 5號太興廣場 5樓
電話：2711 6117

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: [email protected]

BeautyExchange．BeautyLife．BlogDB．Blogspot．ELLE．FanPiece．iTrial．Miniwise．
MyCossip．Qooza．QoozaBeauty．she.com．Sina．Style-Tips．theZtyle．UBlog．
WeShare

Kami 嘉美 ソ 貪靚鬼愛分享

Promote Your Page Too