今日唔知點解，我失眠。

同表弟吹完水，打咗一陣機，全屋人都訓嗮，唯獨我一個訓唔著。

漫漫長夜唔知點過好嘅我，終于忍唔住靜靜雞咁開咗部電腦。

好慢好慢，可能因為打雷，斷咗幾次線。

我漫無目的咁睇啊睇，將博友全部睇一次，發現自己好厲害，哈哈。

睇到高強嘅BK，佢個篇日記真係令人好有感觸，忽然之間覺得有佢依個朋友，值。

個陣發覺，友誼，真係得意，當自己唔開心個陣，唸下自己同班朋友一齊嬉戲嘅時候，就會開心翻。

對我好嘅人往往會深刻咁印係我心入面。我唔會忘記噶。

不過.......... 

突然一個晴天霹靂，心情跌落谷底。

唔係因為高強漏咗我，而係我發現咗一件令我估都估唔到嘅事。

宜家我開始，捉摸唔到，咩係友誼....

如果唔係依件事，我真係唔知某人係咁噶，好心寒......

雖然平時嘅我係大大咧咧，但系我都會有唔開心嘅時候噶。又有邊個會明.....

你，唔清楚我，唔了解我，更加唔知成件事嘅來龍去脈，就對我下定義。

我唔明。任何事都係雙方面噶，點解要將所有，所有嘅錯都按係我身上。

一次係咁，兩次係咁......我受夠啦！

講真，我好惱，我真心當你係朋友、知己，咩事都同你講，以為你係最明我噶。

點知，你就咁黎對我。無奈，又一次證明我嘅失敗。

絕情，狠心，花心，唔專一，玩弄感情，進行報復，唔知幾時開始，係你嘅世界入面，

依D詞語，似乎成為咗我係你心目中嘅代名詞。呵，真可笑。

個陣，好多人都覺得我玩玩下，原本我以為你唔似佢地咁，知道我對感情不鬧都好認真噶。

但原來我錯咗，一直“誤解”咗你都唔知。

其實有好多野，你地係唔明噶，我地之間嘅問題其實唔系你地睇到咁簡單噶。

散，會受傷。唔係人講都知，而且通常先開口個位都會俾其他人當成罪人，其實好正常。

但系未搞清楚一件事，咁就用以上嘅詞黎形容我，未免太膚淺了吧？！

 問心個句，勉強一齊，就會開心咩？

 其實無人真係明我，我唔擅于表達。唔開心，亦只可以收埋係心入面,,,,,

宜家嘅你，或者早就對我改觀，或者依舊唔變。我真係唔想無咗你。

但系念翻依件事，我唔知應該扮唔知繼續好似以前咁，定係同你講清楚。

 （ps:依個人係邊個，發生咩事，唔好問，我都唔會講。）

------------------------------------------------------------

I don't care abt other people's views to me，

 But,I very care abt the views of my friends.