最近，變得好奇怪。

突然好想靜一靜，好想改變，好想試試個種與世隔絕噶滋味。

每日，當一覺醒來，發現屋企剩下我一個個陣，好失落。

打開電腦，睇下QQ入面噶名單，發覺每個人都變得唔通嗮。

以前成日一齊吹水嘅朋友，頭像總係黑色噶，或者變得沉默。

曾經一直響到唔停噶群，宜家都變得安靜咗，

就好似一個玩厭咗嘅公仔咁，俾人遺棄系某個角落，唔會再有人記得佢嘅存在。

以前好鐘意玩嘅游戲已經開始覺得厭惡，鐘意嘅歌都聽到唔想再聽。

突然好想幫電腦黎一次大掃除，于是，再次打開已經忽略已久嘅文件夾。

好耐之前嘅相片，好耐之前嘅歌，再次重溫，令我覺得好有感觸。

從前嘅我地，笑得好開心，好單純。然而，現實中嘅我地，早就已經改變咗。

有D已經由密友變成一般朋友，有D已經忘記咗對方，有D已經變成陌生人，甚至仇人。

每張舊照，都寫住備注，大多數都係"best friend"、"最親愛嘅你地"、"永遠不變"等嘅字眼。

無奈冷笑，失落感再次加重。曾經嘅best friend已經唔系best friend；曾經嘅最親愛的已經唔再係最親愛的；

曾經講過永遠不變嘅早就變咗，又何謂永遠？

隨住時間嘅變化，好多好多野都變嗮。當初嘅承諾唔再系承諾，早就已經物是人非。

其實大家都已經變嗮，只係我地自己無發覺啫。永遠?依兩個字好易講，真係做到嘅又有幾多個啊。

過去嘅事變成回憶，留戀只會令自己更加失落。但係總會唔舍得，只好狠心D，刪嗮所有舊照。

成日嫌唔夠歌聽噶自己，打開文件一睇，嚇親。接近過千首嘅歌一直都被自己遺棄。

宜家聽翻反而覺得好好聽，先發現自己錯過咗好多好聽嘅歌。

睇睇時間，發現已經過咗3個鐘。睇睇回收站，凈係得D無用嘅相片。

一日就咁就過咗。感觸倒係唔少。發覺自己錯過咗好多好多。

過去咗嘅野就等佢過去啦，未來係點大家都唔知，珍惜宜家先系最重要。

因為此時此刻，最親近嘅人仍然系最親近嘅人，以后就好難講。

珍惜眼前嘅一分一秒，真心對待眼前人吧。