今日係年三十晚,我已經返左大陸啦!!!係我鄉下只要係傍晚洗完「大吉水」,著上新衫就可以去逗利是架啦。所以我同2個表妹做完以上既野之後就出左去逗利是,我地去左球場個到見到係鄉下既朋友,一共4個女仔。跟住其中1個話請我地去酒吧包房唱K,我地應成左去,所以我就去左我人生第一次去既酒吧。去到個道先係聽到好大聲既Disco音樂,之後見到有一個酒Bar俾人飲酒or飲飲品。我地係包房既所以只要上到去轉右直行第2間房就係啦!!! 進左房之後就坐左一陣,等個工作人員弄好D野,然後個4個鄉下既朋友就點歌唱K,而我同2個表妹就沒唱歌,只係坐係到。過左一陣後,其中1個人話:「今晚每個人起碼都要飲一杯酒(小杯)。」我同2表妹啦啦聲話:「唔得呀!!我都冇飲過~醉左點算?」結果係我同2表妹一起要飲1杯,所以我就同2表妹係到玩5.10.15.20輸左要飲一大口酒,直至飲曬成杯酒,所以我就飲左人生第1次既酒。回屋企既時候我覺得有少少暈,不過沒嘔和醉。