哈哈哈...今日好開心呀~!!! 我去左海洋公園玩呀!!! 真係令人一生難忘既一日啊~~~~~~~~~!!!!

我今日出門先係事事不順, 先係要換包包(因為之前個包包裝唔到咁多野...)。之後就係對波鞋唔見左, 搞到我狂咁搵都搵唔到, 只好著細佬個對去(事先聲明個對鞋係男女都著得既, 唔係我都唔會著去啦~!!), 最後仲搞到差D遲到, 要搭的去(唉~)。

到左學校之後, 我就上左班房。D同學不斷係度影人相同錄片, 好彩佢地既對象唔係我(呵呵~)。不過我就影左1個同學既相(佢就係我"啊哥"啦~佢係自願架~)。跟住Miss kowk就黎左,我地啦啦聲將手機收埋（因為手機唔可以拎出來, 只可以緊急時候先可以拎出來...而相機就可以。係唔係覺得我學校好q煩呢!?)。再之後就一直係度等車黎...一直等...一直等...最後先係到我地班上車(唉~), 所以依南話:「A班永遠係最遲去同最早返既一班(郭氏定理)。」而我本人係非常之同意郭氏定理的, 因為我地比E班足足遲左半個鐘~!!!

到左海洋公園, 我先同fds去左玩滑浪飛船。滑浪飛船真係好好玩架, 雖然一開始有D悶,但係到左最後就好好玩,因為會好似過山車咁從高既地方沖落黎, 仲會搞到你變成『落湯雞』,所以平時有好多人排隊玩, 好彩今日係星期四無咩人。

之後就玩左好多唔同既野, 玩到好好好開心......但係我冇玩到跳樓機同轉360度個個過山車,因為我膽細唔敢玩。不過呢...聽返D同學話個2個都唔好玩(即係一D都唔驚)....最好玩都係越礦飛車(呢個我有玩到呀 → 驚到我死, 所以我開始諗我係唔係好傻呢??)。

最後當然係按『郭氏定理』咁,係最早係門口集隊等返返學校啦..!!! (唉~)