李老師今日都唔知係唔係痴左條筋!又冇寫手冊,上堂果陣時又冇講,跟住today就無端端話要默書。頂佢!!! 好彩我隔離果個人有帶第1冊書,我地就邊默邊抄,仲搞到一路默一路笑添!

溫書,溫書...成日都要溫書,真係好鬼悶呀!!!

親愛的主耶穌:

今日我去左"鄧顯"面試,真係好緊張呀!希望可以入到"鄧顯"啦!

啊們!(講笑)

今日係學生團契佈道會,請左一班好似..."基督會"o既人來表演。我覺其中一D人係低低地B架o羅...見到果D人果陣時,我真係有D想叫佢地快D走...

今日冇野發生...平靜得難以致信...有D unhappy...

今日音樂考試,要考唱歌,老師話我唱得好好,仲問我係唔係有參加合唱團,咁我咪答佢係o羅,不過我真係架bor!唔知點解呢,突然覺得好好笑...

就黎考試喇,相信唔使我講大家都知道考試唯一要做o既野就係~溫書...真係好唔想溫書呀!!! 不過今次係報分試,一定要盡力,無計啦...可能要遲D先可以寫番日記,我真係有D唔係咁Happy羅...不過大家都要記住多D上我個留言板呀!考完試我就會覆番大家留o既言架喇!

今日冇咩特別o既野發生,搞到我有D悶悶地,可以話係幾平淡o既1日...

Today係"麻麻"o既生日,朝頭早我一家人會去大角咀(我"麻麻"住係果度)同"麻麻"飲茶,夜晚就會去酒樓食"壽宴",到時一定會"滿載而歸"!可能會食到嘔添! 不過"食得是福"呀嗎!我都會一樣咁Happy!

今日好開心呀!去左KFC食Lunch,跟住係粉嶺中心行左陣街街,之後去左上水中心拿眼鏡,副眼鏡我好鐘意架!(我係個2隻眼150度近視+左眼25度散光o既妹妹仔黎架! )夜晚,我仲食左好正o既晚餐添!鵝肝做頭盤,三文魚做主菜,仲有缽仔糕做甜品,真係好好食呀!我講到好似去左高級餐廳咁,其實D野食係我爸爸B整架!佢o既廚藝有番咁上下架!