今日系農曆新年假最後一日番學日

亦都係lck百年黎得嘅便服日，但係我地班得9個人著便服咯！

今日上家政堂整咗所謂嘅石頭餅 (似曲奇多D咯！)

去完XXX之後，一番到班房

我D石頭餅轉眼間已經冇嗮，我一塊都冇食過咯！

到咗最尾果個人攞之前，我叫佢留番半塊俾我

最後，我都食到半塊哇∼真係超級好食咯！不過，甜咗D ;p

之後，我隔離果位食過番沉味，連剩番個D細細塊+提子乾都食嗮咯！

跟住，我話：冇嗮啦∼

唔知點解，今日真係好好好開心，差D連眼淚都笑咗出黎∼

上中文堂嘅時候，Miss公佈中文科頭三名嘅人∼

Miss講第二名嘅時候，我隔離果個話：Miss，唔係我第二咩？！之後，仲要走埋出去咯!

~經過一輪時間之後∼Miss糾正番，第二名系佢

跟住，佢就安心地番埋位

∼點知？！∼

一番到埋位，張凳俾唔知邊個拉開

佢成個人跌坐落去，個''八月十五''蹬咗落去

全城異口同聲：哈哈哈∼     之後，有人系度唱歌∼

跌落去之後，佢第一時間憋住我

我一邊系度笑，一邊同佢講：唔關我事啊∼真係唔關我事嘎∼

真係笑到差D流眼淚，笑到勁肚痛，再加上我見到佢個樣，更加忍唔到笑

好彩之後，有人自首。原來系佢後面果個人做嘅

跟住佢就發嬲啦∼仲要系度扮發嬲咯！

佢後面果個系感問我，佢系唔係真係發

我話：佢唔會咁小氣嘎∼佢唔會嬲人嘎∼好快冇事la

隨著團結嘅2C班嘅歌唱聲完結咗哩個美好嘅一日！

今日真係超級開心啊！冇一刻系唔開心過咯！

可能，哩D就係

.......嘅原因+新嘅一年，開心嘅開始掛~

好期待某一日理臨，但又唔想果一日快速完結