最近公司安排練舞，簡直是來回地獄又折返人間。二十幾年沒有嘗試跳舞，一下子要練什麼6 steps、wave、又踢腿、又開門等。最折騰就是要拉筋，將二十來年練得緊一緊、硬一硬的筋(有些地方叫根)嘗試拉鬆，真係鬆晒，仲抽晒筋。

提到抽筋，令我回想起大學時一次拉筋的經驗‥‥‥

在大學二年級(或者是三年級)，上一科有關老人服務的課堂。全班同學都非常留心瞓覺，雅雀無聲，真係烏蠅飛過都聽到。

我突然全身抽搐，表現得非常痛苦。
身邊同學A本來在半夢半醒中，見狀亦立時精神起來，大為緊張。

同學A︰你做咩呀？無事呀？
我︰我抽筋呀！

同學A︰做乜無端端抽筋呀？
我︰吓？你無抽咩？

同學A︰我點解無啦啦抽筋呀？你咩事抽筋呀？
我︰我‥‥我悶到抽筋呀‥‥(繼續呻吟)

同學A︰‥‥‥(繼續再瞓)