今日番學最後一日,係Miss Chan 係到教書既最後一日,之前都驚今日會眼濕濕,好在Miss Chan想快D搞店D野

冇講D咩感人事,我諗就算講左都冇乜問題,遲D都會約佢同我地成班去玩,好期待~..

派左成績表LU,成績?!OK啦,算係咁囉,52名,想點呀?!我要買電話!!!「媽媽」你買比我啦~~...<---有點兒打冷震@@

其實相比同上學期係差左少少,由49名去到52名,差唔多啦~~唔同左開頭個字姐,有溫過書咪得囉,係咪先?!<---我係咪變晒?

係第二張既操行個表到,令我好出乎意料...

個人質素:

團隊精神:A (我OK啦)

時間觀念:A  (我成日遲到架喎,只不過唔係番學個時先遲= =)

勤學:A  (我冇乜點溫書架喎)

禮貌:A  (呢個都OK啦)

儀表:A  (緊係啦,日日都沖涼先番學)

交誼:A  (我有點兒惡架喎...)

優點得3個= =  

竟然出現全A?!不是嗎?

康哥考51名,我52名呀,康哥係今日游水既時候已經比我傷害左,哈哈...

康哥你冇事呀嘛?記住下次學好D游水啦喎!

講番今日放學之後做乜先,今日放學MISS CHAN影相,之後搵埋MISS LAM影,有幅大合照,不過係MISS CHAN到,

等佢ONLINE搵佢比我先~搵左MISS CHAN影左幾幅相,超可愛@@...

影完相之後,啦啦聲番屋企拎衫游水,約左晞晞去城門谷游水,嘩...好多人去呀,不過要自己去到等佢地= =

我未去過個度游,唔識行,行左好耐,終於搵到啦,但係我已經濕晒,熱左身...

去到個到,得個幾丁友,肥仔,肥柏佢地,之後先知我冇5蚊銀,唔記得去唱個5蚊,好樣衰,行左更衣室好耐,搵唔到唱銀機,

之後左去,原來係出面,之後見到晞晞佢地,叫左樂哥幫我唱,好野有得游LU...

換晒衫,游水水LU,我諗都唔係游水,係玩水,成班人係到玩水,好KAI,不過我都有玩= =

之後康哥,洛,泓傑同肥興到,玩得好勁= =,玩左成位鐘先去番室內到游,嘩...室內池好冷呀,個個低D既池仲冷,游左陣,

頂唔順,去左2米池游,2米池暖D,不過好深,好驚驚,游水唔好都驚驚,游左三回2米池就同肥興佢地玩,之後又出去室外池

游,好曬,E家背部有D痛,我諗有點兒曬傷= =游到4點3走人,好累,游左3粒鐘,又累又餓,去左M記食左少少野,番屋企!

完成今日既旅程完畢~

好可愛呢幅~

MISS CHAN同肥興合照

MISS CHAN都幾令既,係個妝太勁= =

MISS CHAN MISS LAM大合照及我既相遲D先上,睇住咁多先啦...

2B班既同學留意:
中二B班暑期聯誼活動通告  
   本班將於7月至8月舉行暑期聯誼活動，班會組織開始安排活動，同學有什麼活動提議，請向活動舉辦人

(班會主席,副主席,KEN CHAN我)提出! 

 聯絡方法如下:

    同學可用

   MSN 或其他網上途徑聯絡活動舉辦人。

   電話及SMS聯絡。

   及其他有效聯絡方法。

 想同MISS CHAN MISS LAM玩,快快提議報名啦!

今期既活動將於大約4日內進行,今次既活動係溜冰+唱K,同學需要預定$100,快D報名啦~!

A,B,C,D班既同學都有得參加既,不過比例會少D,今次要15位同學以上去得,大家快D決定去唔去啦!!!

確實既資料將於MISS CHAN ONLINE後再公報...