今日12點幾自己起左身,都仲係覺得好累,之前呀哥打機打到好夜,嘈到我訓唔到= =好夜先訓到...

我老豆話同我報補習,去左BEACON報左數學,好在英文走到,唔洗補,哈哈...不過報BEACON個陣冇晒FACE,

原來BEACON個資料顯示唔清楚,我老豆串到個櫃檯個女仔冇聲出,真係唔好意思呀姐姐,好多野唔應該講既,

我老豆都講埋...報完,我唔出聲,等佢自己諗下咩事...我知佢今晚要番工,廢事又嘈到佢訓唔到,出街行...

好野...搭到S3V既66,幾正~~去左深水涉。嘩...熱死呀...嗱嗱聲去西九龍個邊睇下有咩買...結果冇野買...

潮野都睇唔上眼,走LU,都好夜,等架66開...上左上層最頭坐,好舒服,好FREE,冇晒煩惱...~

講開又講,最近好想穿耳,我覺得都幾型呀,但係穿左實比老豆打,唔啦,下幾年先算啦...

十禁:   1)染頭髮

       2)穿耳

       3)唱K (我已經唱過)

       4)夜番

       5)打機

       6)談戀愛(我有女朋友,你都唔知啦)

       7)洗得太多錢(過左百就唔得) 

       8)唔係屋企食晚飯

       9)同FD去CAMP(學校就得)

     10)去得太遠 

紅字代表我做左= =...

其實唔需要定咁多野呀,我又唔會學壞既= =睇我個樣就知,我自己都唔比自己過火

係我內心世界,或者我諗得太傻...還是諗得太多?! 

假若我真係變壞,我都會最愛你,呀媽... 

唔好咁擔心我! 

大個左,好想著得好D,唔想著咁舊既衫,想型仔D...  

次次同親女仔出街,我都好似親唔起佢咁,加埋我咁樣衰,算吧啦

有點覺得我塊面很包,原本尖尖地既塊面,但係過左幾個月就包左= =

睇起黎個咀個細(錯啦,我個咀是很大的),但有點錯覺,加埋我多豆,搞到塊面紅紅地,

唔令仔LU...比個人剪到個髮型唔好,搞到我更加樣衰... 

希望黎緊既日子,我鍾意既人唔會介意我既樣貌,開心咁相處...

期望多一次戀愛的家爾...

喂喂喂...我同其他人出街,你又話無聊,好啦,今日同你出一出,你又話我發脾氣,你咩事呀你~

今日4點出門口,我心情都OK令,出到去,我諗住係咁E睇睇就算,點知又去睇埋你D咩電腦,

之後我話熱啦,想番屋企,你就話睇下衫,我都話左唔想買架啦,我唔鍾意著個D咁Cheap既衫,

你就話去睇睇,之後呀媽打黎,你就係到講我壞話,話我黑面,我仲唔火都黎埋?!我都有脾氣架,

我話唔想就唔想架啦,我出黎都只係想遊一遊,累就番去,你就係街到發我脾氣,你咩意思呀,我都話同我出

街會悶架啦,你唔鍾意可以唔同我出架,我唔想行個到就唔想,你要我去,我唔去,你就發脾氣,你自己睇下邊個錯,

成日話我脾氣差,你睇你自己先啦,成日迫人睇咩,我下次係唔會再同你出街,又悶又累,又要等你睇電腦...

好啦...番到屋企啦,我好聲好氣,你就係到罵我,話我脾氣差,你睇下咩事令我咁唔開心先啦,之後話我成日遊

西貢,將軍澳,喂喂,我幾時去過個到呀,你話邊就邊呀,我話冇去過,你就講我其他野,就話我遊車唔合乎經濟,

我遊個D車有優惠架,仲有我都會行下個邊,我就唔信你冇無聊既時候,你E家係到黑面,唔通你話一我就要一,

你話二我都要跟住呀?!唔該你啦,我比晒面你啦架啦,我唔覺我有咩問題囉,你睇你平時你講過D咩令我嬲囉

我嬲你就話我脾氣差,小家,咁你呢,你把口成日係到話人,下下有骨,係我面前講我壞話,係咪唔可以嬲呀?我知你冇錢,

我唔買野,唔買衫,你呢?睇埋晒D好令人悶既野,我行既時候,我都只係行得好快,我唔會左你時間,你,停係到慢慢睇,

睇埋D野屋企有既,算啦...我預左架啦...你仲要係我面前講我壞話,仲要係方死我唔知,聽唔到咁?你話忍唔到我?

我改左架啦,你自己仲有咩 唔滿意既,你咪自己諗下你自己做過D咩囉!今時今日你搞到D關係差,都係你搞成~!

好想番外國讀書,唔想再睇你黑面,點對我發洩!

今日好嬲,冇乜想講,又要受佢氣啦,唔打啦...

     今日同Joanne,呀古同佢表姐去唱K,遲左咁耐先到,真係唔好意思呀~SORRY呀, 唔好嬲啦~

嘩...我都N年冇唱K囉,上次同左MS LAM佢地唱完,就冇再唱啦,今次唱番,有點失準添...

(今次講你,唔好介意)

冇見Joanne成年,好似有兩年?!個樣變左少少,變令左?OK啦,令左(話緊你令女呀,開心嗎?),

因為個樣成熟左,不過仲睇到有點妹妹仔= =有點點肥啦,幾CUTE。講番唱K,佢唱歌真係好聽左好多,

把聲好正,唱歌得晒啦!練多D啦...

 
唱到2點幾,好...同佢地行街,影相,影得我好樣衰,唔公開得...不知不覺間行左好耐,

好熱呀=@@=行到4點幾,呀古佢地走LU,我陪Joanne一齊睇下邊到有外賣,行下行下去左荃豐買。

嘩...話咁快就5點LU,送佢搭車,係上面睇埋佢上車,佢見唔到我,個樣好Q(哈哈,係咪唔覺有我存在呢?)。

之後自己搭66番去,勁好運,搭到ES龍,係就係舊左D,但係好快,好正...

15分鐘到屯門,勁快...

6點番到屋企,岩岩好...

今日係咁多,下次再打,SEE YOU~      

聽日要同老豆,呀媽,呀哥BBQ?唔係呀化,好熱喎...搵人快D約我出街呀= =

今日10點幾比肥興CALL醒左,問今日游水點= =,不晞晞唔係話晒D詳料比你架咩....無奈...

咁早起身都有既@@  今日游水,差D冇命...     入正文:

今日1點去到綠楊等佢地,好彩冇遲到姐= =,屯公有點多車。去到個邊唔洗等好耐,D人到齊晒,

好...出發。一去到游泳池未開,要排隊呀,我地唔知要排,行左唔知係邊等,先知插左隊,算啦,好快姐...=@@=

入到去啦啦聲換衫,唔等佢地換LU,同肥興佢地入左內池游,竟然去游兩米池游,算啦,唔驚既...

游左一陣,就去番米二游,佢地成班玩水,我無啦啦比人玩,拉我入水,搞到我吸左好多水,有點哮喘感覺,

氣管收縮了,好在無事,有事冇藥就係咁先= =,之後去左室外池玩,唔好玩的,好界個地,玩要玩得小心D,

又去番室內池游,去左2米游,玩沉底,我坐左落水底,好大壓力,頂唔順,游番上水面,之後同肥興游左一ROUND

已經好累啦,玩捉LU,我比人捉左好多次= =哈哈,次次都捉番康哥,抵死,哈哈...

玩到5點到,去食野,冇$$,問左肥HIN借錢= =15蚊姐,問問下先知佢下年讀第二間,有點唔捨得呢~=@@=

番到荃灣搭車番屯門囉...番到屋企,老豆訓訓訓,話叫我出去食,算啦,唔好晒錢,食左少少野,得架啦...

比佢訓到8點幾,叫佢起身番工= =,原來佢冇乜點做家務,我要幫做...呀媽番得黎岩啦,同我一齊做,佢又冇食野,

我今次親自煮,炒菜,冇失手^^好味!!!

聽日有得同FD去街囉,HAPPY...,不過好早= =是但啦...

-------------------------------------------------------------------------------------------------------------------------

冇JELL頭都唔係好樣衰姐!

今日又一無聊作,SEE YOU~

今日同樣都好遲先起身,都差唔多一點啦= =,又做左隻懶訓豬...

好...起左,冇乜野,只係食野,食左好多,食左乜都唔知,我老豆問我食左乜,我都答唔到,今日真是有點失控呢~

食完差唔多3點囉,冇乜心情打機,沖個令涼就出街行行,太無聊了...

出去唔知做咩,行到去巴士站,見咩車上咩車,就上左架66密龍= =,好熱呀,架車唔係開得好快,冇乜風,有點不適~~

咁就訓左一陣,我諗個一陣都係幾分鐘既事~訓醒左先到屯公...我又想去荃灣行一行,但係好晒錢架喎,荃灣番屯門

都要7個幾,唔了,去到九龍先算...

到左美孚啦,就過番對面搭車番屯門,到左5點,唔番去唔得,行到對面,見到架ES龍就開,跑到過去,個CAR佬見唔到我,

開車走左= =,枉我由咁遠水路跑過黎,都唔等我= =,睇住佢走..

唯有等下一班啦,之後去左7仔買支可樂,頂...唔凍既...飲完行番過去巴士站等,17分鐘先一班呢~熱到濕晒= =

番到屋企都已經6點幾啦,好累...

------------------------------------------------------------------------------------------------------------------------------- 

唔知點解勁鍾意著背心,夠通爽~  唔理人話我幾SEXY都著(其實佢地話我食屎)= =

我身材平板,著背心都OK既~

喜愛穿粉紅衫?!粉紅衫再唔係女仔既專利,男仔著都OK型呢~@@唔知點解D人話男傑

著粉紅很女人呢~其實我覺得唔係,包叔都成日著粉紅,仲要係勁紅個隻,我都覺冇野...

如果個個著粉紅色衫你認為佢女人型呢,麻煩你先睇睇佢個樣是否似女人,可能唔關衫事,

關個人呢~

呢排冇野做,邊個想去街叫埋我播~~太清閒了~   更新下個板面先..=.=

今日又一無聊BLOG,係咁先,SEE YOU...