終於都KO左份thermodynamics lab report﹐我相信呢份lab report肯定係目前讀過甘多個unit最難頂既1份lab report:(

上WebCT睇個D requirement真係多到喊﹐唔同之前Machine Dynamics個份亂寫都有3.5 out of 4分
仲有個條甘既sample calculations﹐睇完塊版真係直頭嘩左1聲-0-
要直到過左個break問番D內地同胞先識做...

不過呢份野聽日交左之後就無謂諗會攞幾多分喇﹐反正unit outline又無寫要pass份lab先可以pass呢科﹐同埋佔得個20%...唯有係Class test同final落力D﹐唔好再讀第2次thermodynamics

唔係就痴線架喇@@

做完呢份lab report終於都苦盡甘來﹐淨低要KO既就係得番D test同一份group assignment
之後再無individual既assignment做lu~~

放完tuition free又回復正常lu

不過近排真係勁唔慣番8點﹐呢兩日都爭D miss左班車甘滯....可能真係仲係holiday mood啦xdd

早幾排check番WebCT先知出左Mechanical Design Test 1 result。個阿sir有出埋個全班平均分係10.9分out of 20

幾實都有少少擔心﹐因為個average係正中間。如果有相當數量既人攞到full marks甘肯定都有相當數量既人會肥得好甘

最後去assignment office攞番份result都唔算做得差﹐爭點幾分就到average

同呢個test都算係少數pass到個個咯﹗﹗

到今個晏晝真係...

本應晨早番到屋企放break仲幾好太陽既﹐點知晏晝再番去都落左少少雨。個陣其實都1516緊帶唔帶遮同背囊番學﹐因為之後都係上lecture

最後都決定帶背囊番學

點知放學個陣真係星星太陽佢個魚蝦蟹﹐居然落狗屎@@

好在我英明帶左個背囊番學番去咋...不過都大劑丫﹐無著褸番學。凍到PK-_____-

唔帶背囊既肯定告定病假都得-0-

甘又就黎放完個tuition free week

總結就係接近乜野academic既野都係無乜點掂過-____-﹐除左今日番左去學校搞Group project

份thermodaynamics lab report都係攪左個results table之後就係甘多﹐calculations都係無郁過-0-

日日就上網為主﹐sosad=(

唔經唔覺又4個禮拜﹐又係放tuition free既時候

不過甘﹐諗番起個單挾持人質事件就乜break mood 都無晒:(

相 信呢段期間應該唔係做gym就讀書架喇
因為過左呢個tuition free又係test既時候﹐好想pass晒到時final exam可以唔駛追得甘辛苦
同埋要做埋份Thermodynamics lab report﹐做lab個陣睇見條sample calculation真係眼到花>___<
呢份肯定唔荒易=w=

I have to meet my target, then enjoy my holiday in HK!!!!!

琴日馬尼拉發生左宗前警員挾持香港旅行團事件﹐諗住只係前警員而且得佢一個D人應該都好難有事啦。點知個晚訓唔著開左機睇新聞最後都係流血收場﹐睇個陣真係個心都up埋=(

本來一家大細去旅行係一件賞心樂事﹐但到頭來去到命都無埋仲客死異鄉。而最慘既係部分小童亦都因為甘而變成孤兒﹐最記得既就係某藝員(唔記得左乜水)講過其實一出世就無父無母個D孤兒未算最慘﹐最慘既其實係D本來係小康之家長大既細路﹐但一瞬間因意外同災難失去雙親既細路...

個前警員固然有問題﹐不過最諷刺既係D菲律賓警察既處理手法又真係難怪香港會發生黑色旅遊預警﹐甘鬼「強勁」既警隊一架巴士都可以花甘長既時間攻入之餘仲可以殺到3個人質﹗﹗我睇完D fb status同forum D topic真係呆晒﹐亦都好難過。心諗﹐呢班所謂警察竟然連手無寸鐵既遊客都保護唔到﹖﹖﹖亦都忽然間令我覺得菲律賓原來係一個甘唔安全既國家﹗一個首都地方既警隊D警力﹐組織能力同技術連看更不如既仲點叫人放心去﹖有咩事仲旨意你容乜易連命都無埋﹖與此同時﹐有個甘既警隊我諗個度D犯罪率都肯定唔低得去邊~

呢個國家雖然已經比我blacklist左﹐但希望個個所謂警隊可以好好檢討下有咩過錯﹗