不知不覺VV已經同我地相處左2個月了

VV由朋友家中接回來的,當時的VV我諗大約有2-3個月大

還是很細少的....  自從養左VV之後,我對貓貓的睇法已經有所改觀了

其實我對貓係完全沒好感的,可能一直以來我都係養狗

貓俾我既感覺係[高傲][唔會同你玩][不揪不采]

如果唔係因為我男友一直都話想養,我都唔會"執"佢返黎

因為屋企本來已經有隻狗狗(小豬),帶VV回家個晚仲好擔心

死啦!!  唔知小豬見到VV既反應會係點呢??

唔知佢地可唔可以相處到呢??

唔知小豬唔會唔蝦VV呢?? 定係VV蝦小豬呢??  (擔心的太多~~)

最初,我男友仲話要困VV係籠度兩個星期

等VV同小豬互相習慣大家既存在

一返到屋企就將VV困係籠度(小豬當然走去8卦下la)

出奇地小豬只係吠左幾聲跟住就走開左(可能小豬想同佢say hello!!)

結果真係出奇地...  第3日VV可以放監了,而佢同小豬既相處,真係好到不得次了

(還很細少的VV已被小豬當作玩具的...  玩它)

(但係...  還少的VV就當小豬是它的玩伴,常要扭在一起)

慶幸,小豬同VV到而家都相處得好好....  仲成日一齊玩

睇住佢地兩隻野玩到扭埋一齊,追黎追去,真係好開心

而且表情多多既VV,就連訓覺都一樣咁可愛

哈哈!!! 有時候,VV成日都俾我整鬼佢... 

試過一次,唔知VV係我後面,俾的一腳踩到佢

慘叫一聲佢已經唔知走左去邊度"哩埋",嚇得我半死...  怕我會踩死佢

大家都知道貓好鍾意係人既腳行黎行去架LA

(好明顯我唔係有心囉,無得怪我)

幾次都俾我踩到佢D手手腳腳,尾巴

(無計,鬼叫佢條尾生得長咩)

跟住佢就會發出D聲... 條尾脹晒

而家VV同小豬每晚都會同我地一齊訓

無左佢地係身邊,自己真係訓得唔安心架

分享一段片俾大家睇吖,睇完你會愛上貓兒多一點,哈哈

http://www.youtube.com/watch?v=1dH-tSw28Zo