又到左食大閘蟹既季節喇 , 唔知你地食左未呢??
打開雜誌 , 無一本係唔係介紹大閘蟹的... 真係睇見到流晒口水
終於都抵擋唔住佢既吸引力... 收工去左街市買蟹 "今晚我要做拆蟹專家 "
去到街市 , 本以為無蟹賣 , 因為都收檔收得八八九九
見到其中一檔 , 有個女人俾緊錢woo... 我咪問佢仲有無蟹買??
( 實在太興奮la , 仲有得買吖 ) 佢問我要邊種?? 有$100/2隻 , 有$100/3隻
心諗... 緊係買$100/2隻試吓先la , 佢地仲有埋紫蘇葉俾埋添
我今晚要食左你兩隻野落肚.... 呵呵呵 ♪♫
蒸左15分鐘 (真係流晒口水架) 終於可以食喇
拆開個蟹蓋 ~~~ 再pak開一半.... 睇吓 , 真係爆晒膏架!!!
Um................ 又香又滑既膏 , 好美味呀!!!!!!
一口氣 , 就俾我拆晒兩隻!!! 真係有d唔夠喉添..............
【平野 , 未必冇好野】!!!!
( 待續~ )
