祝大家新年進步,行運一條龍,今年個個都賺大錢
不過最緊要就係身體健康!!!
上年新年前做病鬼... 今年新年又做病鬼,好番幾日,又作病!!!
第一喜!!!
2012年1月20日,係公司收爐的大日子,一如以往都係食飯+抽獎
哩一日,心情好緊張... 唔係緊張抽到d獎... 而係...........
第二喜!!!
食完飯,即係飛車返屋企!!!
因為...... 小豬就快生bb喇
之前我成日同小豬講 "要等爸爸媽媽係屋企你至可以生bb架"
小豬真係好乖,好叻女.... 果然等我到返去至生
我就負責接生... 男友負責剪臍帶及照相
大哥 ~ 1:45出世
好驚吖... 腳出先呀!!! 仲要穿埋胎盤而出
真係十級驚!!! 打俾寵物店求救.... 佢地叫我要快d"蚊"個bb出黎
我真係好驚... bb個身又滑,又怕整親佢
最後還是有驚無險,順利出世
可惜佢應該吸左好多胎水,我地整極都仲聽到佢呼吸有水聲
大仔好努力地生存了5天,就離開了
二妹 ~ 3:35出世
細細佬 ~ 4:35出世
3隻小可愛順利出世,攰到我飛起!!!
不過係開心的....... 跟住執埋d手尾,清潔吓,安頓好佢地........... 天已光了
我就話放假無影響姐,但我男友仲要搏殺
搞到佢成晚無乜點訓,真係可憐!!!!
( 上 : 大哥 , 中 : 二妹 , 下 : 細細佬 )
爸爸好細心,收左工返去特登落街執左個紙箱,仲買埋索帶幫小豬整左個產房
第三喜!!!
正正小可愛出世的那天,即係21號
係我男朋友的生日呀.....
以後每年的1月21日,睇怕我要買雙份的禮物,雙份的蛋糕lor
21號晚,由於前一既大家為小豬的bb搞左成晚,都無訓過
所以,我地都無好好地慶祝他的生日
出世第5日影的... 兩隻小可愛肥嘟嘟
要分佢地好明顯,細細佬係淺色D架.... 家姐就比較深色
細細佬成日嘈喧巴閉,半夜個個訓覺,佢就嘈生晒!!!!
分類: My Pet VV &｡ 小豬◕‿... |
