今日一早就出左去唱k,本身約左衛so,超人,peter同丁野,不過丁野放飛機

唱英文歌果陣,佢地班友好似鬼叫咁,又走音,真係唔知講咩好

唱完之後同超人睇鞋,最後一邊行一邊吹水咁,就去左元朗廣場啦,佢終於買左對新鞋~~而我亦買左一條褲

之後book左7點督波,果陣先4點幾,就去左鐘聲睇波,本身冇野做,點知無啦啦就開始打波啦~~

7點鐘到左,我地4個人,加入多一個洛龍.即係5個人,只有一個識得玩,其他人都冇玩過(包括我 )

有一球波我都唔知講咩好,個紅波對住個袋口,我個白波對正佢, 勁近 ,之後我一心諗住就算第一次玩都冇可能打唔中既 就開始度位啦..之後個個都睇實我,我都幾緊張下~ ,我果陣諗 : 唔理啦,咁近冇可能唔中既,打啦!   一督落去..個白波竟然同我跳過個紅波   唔止打唔中,仲跳左出張台,搞到個個都笑, 衛so條仆街笑得最樣衰,笑到訓落地下 我發誓~我下次唔會再打得咁差ga啦~~~~~~~~~~~

之後去左m記,我地講左好多笑野,講講下,我地發現m記有個職員係度偷聽= =我地望過去,佢馬上扮唔知走開= =哈哈~

食完野就走lu..