在這兩日一夜的訓練營裡,我地去左赤柱,
經歷了很多人生的第一次,畢生難忘啊:D
第一日,我玩了人生第一次的city hunt task,響大約6小時內不停在青衣,荃灣,大窩口和中環穿穿插插xp
跑到汗流浹背 成件衫同塊面都濕晒 塊面紅晒 ((我係第一次濕成咁x____x
在青衣圖書館門口,我地搵途人同我地扔紙飛機,
響街市我地又買左幾條蕉,叫途人攞住條蕉扮同我地講電話
d人以為我地有病:p
在荃灣穿插期間,我的組員在悅來坊的人行道抬高我響半空行約20米(輕+瘦的後果xdd)
呢次係我第一次響街上當眾比人抬高響半空
d路人仲要響馬路兩旁望晒過黎:$ 雖然尷尬但好好玩 而且好難忘x)
我地又係綠楊坊的天橋上9人一字排開
每1分鐘報一次時:"現在的時間是12:_ _p.m. ,時間係由荃葵青優秀學生會提供!"
total報左5次時,講真真係好憨居:p
在中環,我個組響中X大廈門口的樓梯跳"組舞"
我地超kai地跳bad romance 跳左成3分鐘 動作重覆又重覆 係咁跳樓梯 d路人又係係咁望住 x)
響路上我地又係咁搵外國人同情侶etc.影相 xdd
響MTR上又係咁讓座比人
每做完一個task又響度唱:
阿凡達 阿凡達
小巴司機阿凡達
揸車出黎夠型格
打敗隔離有辦法
十字死光殺殺殺
city hunt task雖然最後都係尾二 但係響過程中非常enjoy:D I like it !
夜晚我地自己整野食
整左金針茹牛肉串燒,雞肉串燒,瑞士雞翼,腐竹糖水同螺絲粉,味道不錯!
之後就圍住camp fire(誤) light(正) 跳左好多舞eg.求偶舞 xdd
十一點幾我地女生集體沖涼 肉帛相見xdd((因為沒有獨立浴室
之後我地成班女生去左男生的宿舍玩 幾十人玩集體遊戲
我玩到凌晨三點就去左訓 其他就玩通頂 玩得好high
第二日上午我地去左沙灘 個陣成34度 個地面勁熱勁滾 x_x
我地五組人係度玩集體遊戲 其中一個遊戲係每組挖一個洞 然後用海水填滿個洞
結果我地個組個洞填極都填唔滿xp
玩完game之後我地沖向個海濕身 係咁撥水 勁爽B-)
下午我地又去左玩集體遊戲:每個組員都要被其他組員抬上半空
類似悅來坊外的一次 但呢次好舒服 好爽 好開心:D
到了呢個CAMP的尾聲,我地分開一組組向組員講感受
個陣我聽到眼濕濕但又唔敢哭出黎 但我睇得出我的組爸組媽有d感動
之後我地每個人的背部貼一張白紙 比其他同學留言 好正:)
係度我要多謝幾個人
第一個係組媽 阿地(升中五的師姐黃豔)
佢響我地背後默默付出左好多 但一句怨言都冇
有時又會主動行過黎同我傾計
好關心我地:)
第二個係我的組爸 陸傑
我第一次黎呢個CAMP,"人生路不熟" ,唔係好敢放膽玩
但係佢好關照我地呢d新丁 而且又會主動同我講野
好似我嘅哥哥xdd
響呢兩日一夜裡面,我識左好多新朋友,而且嘗試左好多個人生中的第一次,十分難忘!
優生們 I love you!!!! XD
打咁多要你地睇咁耐 Sorry啊! :P
|
