今日係畢業營既第一日..返到學校..全部人都好興奮(包括我在內)哈哈，之後就集隊..無端端比校長鬧我地好嘈﹏超無奈囉..過左一陣.我地就上車去香港浸會園..原來香港浸會園係喺粉嶺果邊..去到我地全級就去左『19號禮堂』..聽果度d人講野..之後營長就攞鎖匙..我地係訓14C營舍..去到營舍就打比mum講比佢聽去到lu..我地放低行李玩左一陣..又要出去唔知做咩..
    夜晚我地就去左『燒野食』..我食左好少野咋..哈哈..過左一陣..我地喺營舍裡面..欣欣問我地食唔食杯麵..佢地話食,之後就買埋我果份..半夜果陣..佢地玩緊『鋤大D』..我就好唔舒服..佢地問我係唔係唔舒服..我就話好似成個身好熱..好似發燒咁..佢地就話比14B果d人聽..鄧凱怡無端端打左比陳子軒..佢地仲話搵老師..唔知點解佢地冇搵到老師..但係黎sir、林sir&歐sir會嚟左我地個營舍門口..黎sir就叫左琪琪&曾慧萍同我去探熱..點知"生"左門..黎sir話我有小小發燒..不過唔係好嚴重..所以我就返到營舍就sleep..
     到左第二日..我地要做早操..做完先可以去食早餐..我地又去左『19號禮堂』排隊..無端端我好暈..黎sir抱我去張椅子度坐低..鄧凱怡之後又話好暈..之後唐主任帶我地去女老師個營舍度休息..有d救護員嚟到女老師既營舍幫我地量血壓..我可能低血壓既關係..無端端就暈左..then我地去左食早餐..之後就冇野lu..
    夜晚.我地要做『天才表演』..上到台我好驚..因為望住陳子軒既關係..有d驚驚地。之後我地6D班上台唱歌果陣..無端端覺得好焗..之後唱完歌我地就落台lu..我同曾慧萍問陳老師可唔可以去洗手間..我地落到樓梯果陣...見到有野喺地下度爬..嚇到我地即刻沖入廁所..去完廁所..曾慧萍望住塊鏡..無端端大叫..嚇到我即刻同佢沖返入『19號禮堂』..之後我地就返營舍..我好驚..所以叫人陪我沖涼..我沖完就到鄧凱怡沖lu..今日又係我最早訓..佢地差唔多半夜先訓..鄧凱怡同我訓埋同一張床..
    第三日喇..我地又做早操..做完就去食早餐..食完我地要返營攞行李..就去『19號禮堂』頒獎..我地成組計埋曾穎瑜+李卓穎果兩個獎..成組有4個獎..好勁呀..哈哈..走果陣.我地全級都要影班相..兩幅都比黃俊明個頭遮住左..唉..搭車果陣，蕭兆楓唔舒服..又唔拎膠袋..嘔到人地架車度..攪到好臭..