我琴日朝頭早起身番惠僑步銀,之後去買送,跟住就整送,然後煮飯,食完飯又要洗碗.......真係勁辛苦,因為我今日頭勁痛,痛到想死!!!!!!
我今日晏晝兩點幾三點到打過電話俾嘉欣,佢話佢去緊鏗仔度,因為佢唔識做功課喎~~~~跟住我問佢禮拜六黎唔黎我屋企,再幫我問埋鏗仔,之後我六點到打俾嘉欣,佢就無聽我電話,我打俾鏗仔,佢一句「我地食緊飯!!」就cut 我線!?!?!?!?
跟住我九點到打俾嘉欣,我諗佢應該番到屋企,因為平時八點到九點到鏗仔佢地就會嗌我走,而且今日嘉欣只係去做功課之嘛,應該唔會太耐.........我係咁諗,所以我打俾嘉欣,點知佢又唔聽我電話,打佢屋企又話未番,所以我只好打俾鏗仔睇下,點知原來佢仲系鏗仔度未走,我以為佢 D 功課真係好多,點知一問,佢同我講佢地睇緊戲,功課都係做得一半!?!?!?!?!?嘉欣同我講話鏗仔禮拜六黎唔到我屋企,佢自已都唔肯定佢黎唔黎到喎~~~哈哈哈哈!!!!我真係無野講....都唔知講乜好,只好即該收線,免得過阻住佢地.......
之後九點幾十點,嘉欣打俾我,話鏗仔問我可唔可以星期日先黎我屋企??我話無所謂,我嗌佢地自已傾好先同我講....
我心好唔舒服,因為佢可能係剛剛先系鏗仔屋企離開無耐番到屋企,而且,鏗仔問我野都要打俾嘉欣嗌嘉欣問我,佢真係好唔想同我講野??唉........  T.T