我從未試過生日會咁唔開心架!!~~
我原本一直其待今日既來臨，因為今日係我既生日，我以為可以好好咁過，之前話今日可能會打風，我都不知幾驚!!~~因為如果真係打風，就無得番學，只可以留係屋企，我啊媽又要番功(即使係八號風球).........點知，我而家就勁想今日打風......
話說今朝我約左我既最好朋友—嘉欣係地鐵站度等，因為我有 D 野要俾佢....點知，等左一段時間，仲唔見嘉欣，又有 D 野要整，又打唔到俾佢，所以就只好番學先......
番到學校，我就送左份禮物俾同我同年同月同日既葉麗虹，跟住就補番份禮物俾皇上
到左 Lunch Time ，我見老爸個邊度門無開，學生又唔可以係學校裹面用電話，所以只好去門口打俾佢，佢問我係邊，我話我係學校門口，佢話佢見緊人，叫我入去搵佢.......
我入到去，佢同我講左聲生日快樂同俾左份生日禮物俾我，跟住就話因為佢要見人：所以同唔到我食飯。我當堂 O 晒嘴!!!!因為佢幾日之前已經應承左我。點知佢突然間一句要見人就將我擊低!!!!!佢同我講對唔住，但係我經已聽唔入喇！因為我勁傷心.......
然後我同左劉寶欣，劉幸玲同陳慧雯一齊去左大華度食野......我到左個時已經忍唔住，眼淚終於決堤喇........點解，我究竟做錯左 D 咩??點解個天要咁對我??點解要我兩年既生日都俾人整喊??仲要一年慘過一年!?!?!?!?!!!
係中史堂果陣，郭 sir 勁好笑!!~~ 而且佢講書又講得幾好。所以我就斬時忘記左 D 唔開心野..........
但係，放左學之後，我番到屋企， Paco 打俾我，佢問魏做乜唔開心，我同左佢講我同老爸今日發生既事，我原本以為佢會令我無咁傷心，點知，佢竟然話我唔應該!?話我應該體諒老爸，應該由佢個角度去睇，我應該為佢著想下，佢呢個職位係除時都有野做，我唔應該咁樣對佢，應該原諒佢，體諒佢......(但係，又有邊個髏諒我??)
跟住，我係屋企諗到好多關於以前既野....包括我點樣做老爸個契女，直至而家已經四年喇......但係，全部既畫面依然歷歷在目......因為有太多既事發生喇，所以，我就寫左以下呢封信俾老爸......
﹝對唔住......
我知我既語氣重左，我唔應該發你脾氣......我應該由你個角度去諗下，因為你真係好多野做，好忙.....好辛苦
你講得無錯，我真係控制唔到自已既情緒.......我真係雖要好好咁儉討下自已.....
而且，我唔希望妨礙到你做野.....
所以，我諗.....我都係做番一個普通既學生好 D .......
我唔係講笑，因為或者咁樣你會舒服 D......
但係你放心，我依然會繼續盡我全力去為學校表演，用 4A 班李莉筠既身份.....
最後，再同你講一句﹕「老爸，好多謝你，呢四年我好開心亦都好榮幸可以做到你個老女....真係真係好多謝你，希望你搵到個比我更好既女.....祝福你!﹞^^
我諗咁樣會係最好既...... /_\ 雖然我好難過...... T.T 所以我係打緊呢封信既時候喊到死咁制.....
之後，我同啊媽，舅父出去食飯，食生日蛋糕既時候我都要強顏歡笑，因為我唔想俾佢地知我唔開心......