原來，人黑起上黎真係可以好黑架!!~~仲會黑好耐......由我升上黎中四之後，我就開始黑......先有電視台班人係咁玩我，係班入面又俾佘XX班人玩孤立，又要俾步銀班死仔係咁激，激到我死咁.....前排，我暗戀左好多年，一齊左唔夠半個月既對象同我講佢同我一個好好既朋友相戀!?!?!?!????唉...算喇...我都心淡喇.....呢幾日又受到幾次既打擊。令我知道人真係可以好黑......某人真係講得好對。有 D 野，你鍾意，但係其他人唔一定鍾意。就好似人一樣，你鍾意佢，唔代表佢都鍾意你。有 D野唔係一廂情願就得，係要你情我願先得架 !!!我睇得太多古妝戲喇，戲入面好多都係兩情相悅，搞到我以為自已都得....但係，現實世界又點會咁完美丫??就以我為例，我唔鍾意既人就「痴戀」我，但係我鍾意既人就偏偏都係 D 我唔鍾意得既人。因為佢地都有左心上人.....而我今日，就非常「開心」囉~~我發現自已有左「內傷」!?!?!?話說我今日放左學食完飯番到屋企之後，沖沖下涼果陣，係度因為之前同今日所發生既事，百般滋味在心頭而嚎哭既時候，我既五臟六腑就無端端係度「翻騰」!!個頭又痛，對眼又朦之際，突然「哇呀!」一聲，吐出左一 D 血，份量唔多，初步估計，約莫得三份一個食飯碗咁多姐~~都好，唔洗去捐血~~ ^^ 可能係因為之前受左太多刺激，個心受左傷，加上之前有唔舒服，所以個心未好番，再加上呢幾日既超刺激，個心傷上加傷，所以先會咁，受唔住丫嘛~~哈哈哈哈 ^口^唉........我真係要學下道家，學下佢 D 順其自然(無為).....
給「哎呀」的P.S:既然你已經有左心上人，雖然你同佢係就係吵左，但係好多事只要慢慢黎，就會發現其實係有轉機架!!你話就話心淡，但係由你話你做我「哎呀」但係唔想俾佢知果陣，我就知你心中仲有佢，而你亦唔係自已所講既咁放得低，我睇得出你仲對佢好有感覺。放心，呢件事一完，我就唔會煩你架喇~~唔會再搵你~~而你亦可以同佢好番。你要記住啊，鍾意就要爭取。你可能會有機架~~支持你!!~~ ^^