呢排好多野做啊!!!!學校開放日。好忙......琴日好慘囉唔該!!話說我琴日有兩場表演，一場中午，一場夜晚。中午果場只係在惠僑禮堂度唱，到夜晚，先至係熊貓酒店度化大妝。但係，我琴日真係好唔開心囉!!!首先，朝早番到惠僑，就係咁係度整野，跟住就去拎中午著既中國服。番到惠僑，就無端端俾「Miss Leung」話，話我有乜理由上身著中國服，下身著牛仔褲喎!!!!我當時心諗：「喂!有無搞錯啊你，而家咁有咩問題先，我地一向去表演都係上身中國服，下身牛仔褲架啦!!一 D 問題都無!!仲有啊，係你話著校服唱粵曲唔好睇，我先至要係咁走去搵呢件衫架炸!!!做乜搞到係我錯晒啊!?!??!?????」咁都算啦，忍!!!!之後，我一係惠僑表演完，衫都未換就即刻飛的去楊老師度拎夜晚表演套衫，跟住又飛的去熊貓酒店，去到門口，我唔知幾樓，又唔知佢地到左未，於是就打電話俾「Miss Leung」啦，問佢地低邊，點知佢竟然話：「我地梗係係五樓架啦!你有無腦架，咁都要問既!?!?!??」哇!!唔係丫嘛!咁都要俾你鬧!?!?!???你事前無講過你地係邊度集合架喎!!!!!我「又」有錯!?!?!??跟住，上到熊貓五樓，我係新娘房入面化妝，跟住麥翠同我講剛才黎果陣，「Miss Leung」同歐陽(我地步銀個啊 sir )講，話我有無搞錯，著中國服著牛仔褲!係度講我壞話喎!!嘩!!!真係有無搞錯!?!?!?!??我幫你做野幫左四年，同你食左唔少死貓，又幫你撐住步銀，你而家咁對我!?!?!??帶頭講我壞話!?!??????我真係想死囉!!!之後到我化妝之前，又唔俾我買包食，話我化妝之前有時間食野，係啊，食果一碗仔菜囉!!!!之後就要化妝。佢仲要係咁係我化緊妝既期間借我個洗手間俾人用，之前仲話出面有大把洗手間，叫我自已搵!!!有無搞錯!!!!!又係咁走入黎問我得未，喂，大佬啊，你之前都預左兩個幾鐘既時間俾我上妝，你就唔好半個鐘黎一次，半個鐘黎一次啦!!!煩唔煩 D 啊????之後，到出場前，我問佢要咪，佢先走去搵囉!!嘩!有無搞錯，你之前都知我要上妝做戲，係要夾咪架啦!!你而家先去搵!?!??搵唔到仲想我用手拎咪??跟本無可能!我要做戲架!對手拎住野架!!之後，搞左一排先搞到個咪番黎。我都已經事先講明，如果搞唔到，我都要佢地宣布，話因為無咪，所以我先唔唱，只係做，唔係我唱唔到!!!!如果唔係!哼!就算我有一百條命，我都唔夠死啊!!而且，以後點係惠僑做人啊!!!!唉，經過今次，總算見識過「Miss Leung」既真面目，我同麥翠都會暫時離開步銀，最起碼到比賽為止!!
但係，我都有 D 開心既琴晚，因為我可以同好多人影相相!~~ =] 而且，有件好好笑既事發生。就係啊龍同何偉明校董講我唔肯食野(糖水)，於是何偉明就拎左件曲奇，伸到我面前(因為佢會錯意我唔肯食野)，問我俾唔俾面!?!????我當時仲諗，我係咪要「啊~~」咁樣。但係，最後我都係決定用手接左，再食左佢!!而且，係我繞場一週，同周圍影相果陣，有人想同我影，何 sir 佢就話：「影相!?排隊!!我影先架!!」當時個場面真係好好笑!!我都好開心可以同何 si 影相，仲要係我上左妝個樣!!~~
今日，我又要番惠僑當值。見到老爸同佢太太。老爸好似唔同左個人咁，好得意啊^^ 呢排雖然辛苦，但都 ok 開心~~ ^^
D 相遲 D 補上~~ ^0^ 呵呵呵呵~~