好啦!又要過住啲節衣縮食嘅日子!!!我今日第一次問我爹哋攞錢。喺呢之前我一真都係用我媽俾我帶過黎同埋生日果陣嘅利是錢，合共約五百元黎過活。(因為我爹哋知我有利是錢，所以唔俾錢我)所以我所有生活上要用嘅野全部都係自已俾嘅。包括我出街買野。所以，今日係我第一次問佢要錢。講真我真係唔想問佢攞錢。但無法，因為我未有能力揾錢。當我一問佢，佢就講呢樣講果樣，話我好問佢要錢。(因為嫲嫲每個月都會俾少少零用錢我，所以佢認為佢根本唔洗俾錢我)於是，當我問佢攞錢，佢就有啲唔開心。之後就話:「呢度一百元，好好地用!唔準咁大洗啊!!!」我答左「哦」之後就番房。一百元......點算好....加埋嫲嫲每個月果一百元，總共係二百元。我計過條數，逢一至四，每日番學放學，早午兩餐(最便宜的價錢計)，唔出任何街，唔買任何野，一個月都要用約一百六十元。仲未計星期五、六(佢番工，我自已食)嘅錢同埋佢要我自已食晚餐嘅錢(基本上一個禮拜有三至四日都係我自已負責)...........喺一個月邊度都唔去，乜野都唔買，只係用喺食同番、放學上面，都已經過左二百元.......就算間唔中去超市買野番黎，得閒整黎食(超市勁遠，要揸車。就算刻意去，每樣野嘅份量都唔少，有排抽。而且亦唔係真係便宜得去邊)粗略估計呢種原始，禁絕一切物慾、玩慾嘅生活都要用上約二百三十六元.......我真係唔知點算好喇...............