今日勁無奈囉!!今朝，我老豆勁大力咁打我度門，我開門。佢就鬧我做乜要鎖房門。鬧我係咪有野唔見得光。(一開始搬入黎佢想將我個房門換成無鎖的。)但請註意，佢點解會咁大力打我度門係因為佢一開始無敲門就開我度門，見開唔到就發火。哇!!!有無搞錯啊??我唔鎖門邊得啊?你成日門都唔敲就開門入黎，如果我換緊杉咁點算??就算唔係，我咁都無晒私隱啦!!!!咁你俾間房我做咩啫?不如將啲牆同門換晒做透明架啦!!!咁你咪唔洗問我囉!!!!而且，最好笑嘅就係當佢自己喺房，佢都係鎖門，而且當我去敲門，佢就會應我，然後走出黎，再關門。咁樣似係你做緊啲唔見得光嘅野多啲喎!!你有咩資格咁樣鬧我?????
另外，佢而家成日喺屋企開住佢同二伯間餐館嘅監視器。之後就成日打番去話啲員工。咁都唔算啲咩勁大問題。因為你鍾意扮晒野。最差嘅就係當佢見到有識得嘅人喺間餐館度嘅時候，佢就會打俾果個人，講出佢嘅行動，話佢知佢透過監視器睇緊你!!!超無品囉!!!!佢以為人地會覺得佢好勁，所以就勁得戚咁喺咁同人講!!!但你咁做只會令人勁加討厭你囉!!!而且佢地亦唔會再成日去間餐館度。因為無人會鍾意連食野都會俾人監視!!!!!