今日，離開姑媽度，番左屋企。諗住同我老豆傾下關於我黎緊讀啲咩嘅問題。點知，我一出到我老豆間餐館，佢一見到我啲行李，就鬧左我一大餐。(因為佢誤以為我係番一番屋企再上番去我姑媽度。)佢話我有無搞錯!番黎做乜野!我話想同佢傾有關我讀書嘅野。佢就話電話唔講得架咩!?你個電話廢架!??你個幾禮拜就番黎!??你番黎做乜野!??我話我唔想喺上面間學校讀。我想喺番屋企呢頭讀。佢就話我只想同啲唐人講野，話我無心向學，唔想識外國人，只想依賴人，做隻寄生蟲，廢物........

其實，我只係唔想喺我姑媽度住姐!喺佢度住要借用人地間房。暫借係無問題。但總無可能四年都喺咁架下哇!再者，喺上面根本一啲自由都無。去邊都要等人地得閒先有得跟車，生活又完全被控制住。咁我不如住宿舍!!仲有，我唔介意去全外國人嘅學校去讀。所以我希望你唔好講到我好似過黎係玩，唔讀書，浦精一個咁嘅人囉!!仲有你唔好"爛"傷神，"爛"丟架，"爛"係野咁扮呢扮路!!!!!你真係扮野扮得好勁囉!!啲人唔知仲以為我真係咁反叛，咁大逆不道!!我過黎只係為讀書!所以我唔介意去全外國人嘅學校讀!!所以你唔好再話咩”你如果係咁卜X唔肯讀，咁死性不改嘅話我就一定會"釘"你去全鬼佬嘅學校度讀，等你識唔到一個唐人!你到時唔好喊住黎求我啊!我唔會可憐你架!!!仲有啊!你好同你啲唐人朋友絕交!以後唔準再話咩放左學之後去街啊!我一定揾啲一日連續番成十個鐘嘅俾你讀!每日放學邊到都唔準去!番屋企做功課!做完等Patsy番黎睇!檢查完先可以問下可唔可以去街!!!!

哇!!你有無搞錯!?!????你而家想點!???你想控制我都唔洗咁架下哇!!!!!!你咁憎同我住你咪出聲直接講囉!!!!!!!!!!!!你講我就會走架啦!!!

“忠言逆耳”。但逆耳的定是忠言嗎???????????

佢今日鬧左我好耐。但我都唔記得咁清楚。因為當佢鬧緊我嗰陣，我只喺諗住”李莉筠，控制自已嘅情緒，唔可以發火，唔可以"男女男"，唔可以喊!!!!控制自已!!!!!!!!!!!!”所以，我無失控。而當佢鬧完，行開後，有人打俾我，當知道我俾佢鬧，想安慰我嘅時候俾我阻止左。我同佢講:「我唔想講住。我怕我一講會喊。」所以喺果之後，我一直都好努力咁控制我嘅情緒，仲表現出笑容俾人睇。而我老豆仲勁!可以當乜事都無發生過咁對我!!!

但，因種種事情。我永永遠遠都會討厭佢。佢將永遠得不到我嘅專重!因為佢喺一個唔會專重任何人，只會侮辱，辱罵，折騰他人，不負責任，言而無信，背信棄義的人。所以佢根本唔配得到我嘅專重!!!!!!

我真係好想同啊媽講:「你以前識嗰個李森已經唔喺度架喇!佢再唔係你認識嘅李森!!!!」(因為我近呢幾次嘅行動都喺我同我媽講完，我媽叫我咁同佢講。但每次我都會死!)

我真的真的真的好想番香港!!!因為喺呢度我從未真正開心過。我笑，只因提醒自已不能丟臉於人前!!!