今日，我去左醫院探我啊嬤。其實，講真，當我聽到佢入院果陣(上個禮拜到...)我反應真係唔多大。只係有點擔心，擔心佢會有事。(但我對佢o既關心並非假的)
之後，我媽打黎，我同佢講"啊媽，當我聽到嬤嬤有事果陣，我反應唔係幾大，只係有D擔心，但唔夠之前當我聽到啊婆入院果陣個反應大!!明明兩人都係入院，點解我會咁?我覺得自己好無情!!"
跟住我媽話只係因為啊婆由細睇到我大，我少到啊嬤接觸，所以先會咁，係人之常情。但我仍唔太喜歡咁既自己。
另外，我媽仲話"仲有，我都唔覺果陣同你講啊婆入院既時候，你反應好大丫，我覺得你好平靜喎。"
唉，咁梗係啦，因為係o係你面前丫嘛。果陣你先o岩o岩做完手術，都唔夠一個禮拜，再加上要煩我舅父"們"既事，然後就收到電話，話啊婆入左院喇，咁你話如果我唔表現得堅強D，仲向你撒嬌的話，你咪死得!?!?!?!???所以我先會強作鎮定。
你都唔知，你入院做手術時，我o係我契哥面前喊到七彩，心驚到不得了。你亦唔知道，當我聽到消息之後，我係我契老爸度嚎哭左一大輪。你更唔會知道我係點樣半哭半跪咁o係有傘等於無傘o既落雨天求個死都話要交更唔載客o既的士司機車我。
你唔會知，因為我唔會講。我唔會講，因為呢個就係我o既方法。呢個係我o既方法，因為我就係我，我係李莉筠。