我琴日好嬲!!因為我俾人「飛」起左.....之前學校個「童夢」劇團去左表演,我係其中一個演員.
琴日 lunch time 就全團人出去慶功,食飯,我就俾人叫開左一陣,一番到去,佢地就全部走晒,得番我一個系度!!!
佢地有幾個人點名,咁都可以只係點淨我一個!!?? 0.0"有冇可能啊!?食完野番到黎仲要串我!!
你地之前已經寫左我個名先話我聽要做,之後又搵左個同我敵對左三年既人想頂我D角色,好心!如果係咁,你最初就唔好搵我啦!!
搵我又要怕我負擔唔到!!咁你咪搵過第二個囉!!!
做野就有得我做,事後就即刻「飛」開我,洗唔洗咁啊!我唔係貪你餐飯啊,我自己冇錢咩?只不過係你地呢班人有無專重過我啊!?

到左夜晚,我間學校搞左個晚會黎幫助四川D災民....我都有份表演(粵曲)
我同林公子對唱,真係好驚架,因為有好多熟識既人,怕佢地笑,而且「鴻毛」都系度睇緊... >3<
系我表演之前有「2月4」彈鋼琴,事後佢話我聽佢好驚,雖然佢今次係彈俾好多人聽,但係我仍係佢既第一名聽眾,因為佢之前彈過俾我聽!!  ^^
跟住仲有我地班既祖兒表演古爭....我feel到我呢三年所建立既地位已經開始下降... 0口0"
(由老爸.老豆,林公子等等既面度睇得出......)
之後仲同陳秘書唱歌,嚇到我死.....之後「2月4」同我握手(好開心,因為係「2月4」主動同我握手!! ^^)仲話我唱得好!! ^^
今日見到李生,佢話因為好耐冇見我,所以糸度整我個頭.. -3-" 之後朱副校監又有整我個頭,乜我個頭好好整咩??不過冇所謂,因為我都幾開心 ^0^
跟住又同鴻毛傾左陣計,雖然深知佢唔鐘意我(佢亦都唔知道我鐘意佢...),但係知道佢有留心睇我既演出,我都心滿意足喇!!! =^^=
(所以呢個秘密只要留系我既心底就得喇....)~~