我今日係步銀度請左假，去左校園電視台。因為今日鄭子誠黎(搜神傳入面既玉衡子)。所以我去左聽佢講野，今堂係講訪問既技巧。完左之後，我再同鄭子誠係校園電視台入面傾左一段時間。我地傾左好多野，佢俾左好多意見俾我。我覺得佢好好人，好好傾。雖然我無同佢影相，拎佢既簽各，但係同佢咁樣傾都令我獲益良多。雖然時間得好少，唔傾得好多，但係我都覺得勁開心。
今日伸派番之前做左既中史作業，我拎左滿分啊!!仲俾郭史 sir 讚，爆開心。希望遲 D 統測都有好成績就好喇!!~~ ^^

啊!!!!~~~~今日勁唔開心啊!!
今日校園電視台放學要開會，但係個主席見到我 N 咁多次都無同我講，但係就有其他人講，我都係其他人同我講我先知要開會，於是我就無去開會，反而去左輔導組領袖生既活動度。
之後，今日派左中史既小測卷，勁~~唔滿意!!~~超唔開心!!~~爆 Down !!~~好想死!!~~ 我從來無諗過自已會有 D 咁既分數..... T^T 真係唔知點算好......
唉....遲 D 又要統測，又要表演，真係煩到我嘔!?!?!?!?!唉唉唉唉唉....

我終於番黎喇!!~~今日去完訓導組領袖生既 Camp ，勁好玩!!我好耐無同 D 同學，朋友咁一齊玩得咁開心喇~~但係，兩日一夜又好似少左 D ........
我係第二組，組 Miss 係 Miss 張，張明慧老師。佢俾我地組改左個名叫做慧妹，勁好笑!!而我地組個 F.6 Prefect 李嬋玉就俾我地叫佢做玉玉姐姐~~超得意!!~~  ^0^ 呵呵呵呵~~
我地成組人一間房，幸玲仲要係同我一組，勁開心啊~~
我覺得琴晚勁開心，因為夜晚果陣我地既晚餐係 BBQ ，我好耐無去 BBQ 喇!!~~但係我好鐘意 BBQ 果種感覺，因為可以同成班朋友一齊傾計，好開心 ^^
之後我地去左何 sir 佢地間房度玩，何 sir 佢地係度用撲克玩 D 益智遊戲，而 F.6 佢地就係度玩 UNO ，我就係一二邊睇住何 sir 佢地玩，之後因為冷氣涼，所以何 sir 就借左佢件外衣俾我著。^0^
我仲見到何 sir 著短褲呢!!~~
今日番黎之前，我同幸玲去左玩滑梯，雖然有 D 傻傻地，但係好好玩!!~~
附上相幾張~~~~
  (傻人自拍)(幸玲同佢話似官才既滑梯)  (我同幸玲係最後一日玩既地方)  (睡房加向外面睇到既野)(我訓果張床) (我同幸玲因為 BBQ 唔夠食而托肥朱去買既食物)