今日由返學果陣開始唔舒服,一路........去到夜晚................

系學校果陣,上緊「919」果堂既時候,我~超極~唔舒服,個肚又痛,個頭又痛,「XYZ」又痛,痛到就黎死!!!!~~~~
點知!!「919」又激嬲左我(病人係容易俾人激嬲D........)之後,我寫左一封「信」俾佢,仲叫佢回信,之後,小息果陣我系三樓度見到「老豆」,佢仲嗌我幫手賣獎券(又好似係我搶黎賣......),於是我就拎住呢20張獎券周圍去搵人買。
之後搵到去「919」度,我嗌佢回信,佢問我:「用電腦得唔得?」我話:「封信寫得好清楚!~」佢就答:「但係我已經封左筆,仲金盆洗手左!!~而且,我寫就只係寫情書咋喎!」我問:「點解!?」佢就話:「梗係啦!!~用手寫有誠意d嘛!如果唔係點追到而家個.....老婆..」
(「919」,請你唔好介意我寫上呢個「冇乜人上既bLOG」度)聽到我都打左個突!心諗:「有冇搞錯!情信就要有誠意,道歉信就可以冇誠意的呀!!」之後我就走左.......

放左學之後,步銀要出隊,仲要同校園電視台坐埋同一部車........我因為完左之後系「熊貓酒店」度走,所以我就要揹住個小鼓,帶捚個書包去「熊貓酒店」............
去到之後就開始練,練左幾次之後就食飯,我地步銀同其他要出隊既制服團隊一齊吃飯。歐陽sir仲扮waiter咁分d野食落我地個碗度,黎一碟就夾一次,於是,我地果抬d野食好快就分曬.......之後歐陽sir仲同其他兩抬話:「你地睇下!人地幾快將d野食曬!!」
第二抬果個黃柏濠就話:「梗係啦!佢地果抬果d係恐龍黎嫁!!」我就串佢話:「我地係恐龍?咁你地咪係暴龍!?」其實...我只係食左三條菜,因為唔舒服.......

我問歐陽sir食乜,佢竟然答我「食自己」!跟住我就話:「咁你慢慢「食自己」啦!」點知佢竟然咬我隻手黎「食自己」!!之後佢仲話唔夠紅,又咬多次!搞到出曬紅印!

之後,我發現步銀變左「搥骨銀」,因為步銀既「榮譽隊長」同埋「隊長」都走去幫打緊麻雀既余sir,黃sir,「老爸」同埋「書生」搥骨,我之後仲幫左歐陽sir搥骨。

今次係我第一次打小鼓黎出隊(之前有次頂位唔算,因為而家開始我專職打小鼓),就要由我起鼓,好驚,驚到手震。好彩,最後都順利完成.......  =.="    但係,就加劇左我既唔舒服.........

而我亦終於知道「2月4」點解誤會我,因為佢原來睇錯左我張紙下面我之前同「919」講果句:「我唔再理你!」,而冇睇到我上面同佢講既說話(因為我琴日出唔到聲,要用紙,筆黎講野).......原來我地都誤會左對方.....= ^0^=

我琴日咪喊既,今日原本諗住原諒「919」既,點知!系上堂既時候,佢「又」激嬲左我,加上我今日唔舒服,出唔到聲加因為「919」而唔想出聲,所以今日大部份時間都係用紙,筆...........

系多元活動堂果陣,見到「2月4」,用紙,筆同佢 say 左個 Hi ,又問佢有冇上(呢個Blog),佢話:「有呀!睇左喇!遲D先留言啦!」我諗....佢可能誤會左我既意思.......但係,我冇寫俾佢睇我既意思,費事啦!~~佢又有野做..........   之後見到佢打排球呢!!~~

啊!!!!!!!~~~~聽日步銀要出隊呀!!~~4:00p.m~8:30p.m~好衰呀!!今日多元活動堂果陣我係 WTV 既,佢地聽日都要去熊貓酒店(步銀要出隊既地方),因為要錄影.......但係,佢地係4:00p.m~7:30p.m,足足早我地成個鍾走,真係有冇搞錯!!~~  >3<

我右手傷左加瘀左,好痛呀!!!~~

琴日呢,系放左學之後,要去TSA,完左之後就要去練朗誦,因為要TSA而遲左成個鍾,之前一直練緊既人都走啦!我就聽左呀sir讀,D人走左之後,呀sir原本行左去關門,關左門之後,佢就突然間話:「哎也!孤男寡女共處一室,都係開翻度門先喇!~~」之後就即刻走去開翻度門........哈哈!~~笑死我啦!!~~之後佢仲用左一把好好笑既聲黎讀首「關河令」,笑死我!~~

但係!!!我今日就俾人激親!!!話說今日有個「919」係上堂既時候當住全班黎講左一個關於我既所謂「笑話」!!~~搞到我俾人笑,仲有人拍掌,令到我即刻喊左出黎.......我之後超~~~~唔開心!!!!!!~~中午個陣,我因為某D原因而去左學校門口等人,等等下,見到「919」同其他阿sir食完飯返黎,佢一見到我就用手擋住自己既面,好似驚死我見到佢咁。原本我好嬲佢,但係,睇到佢咁既樣,唔知點解覺得好好笑,佢同我say sorry,我有D happy,但係又不大開心,因為好hurt。
原本平時同我講笑,我係冇所謂,但係,係堂上既話就......我之後就寫左一封信俾佢......

我今日係步銀度俾人用15票「逼」我做隊長........ =.=

我走個陣見到「2月4」打緊排球,滿帥的哦!!~~~

我隻手好痛呀!!!!~~~瘀左呀!!!~~~