近排又真係好耐無上黎打過野

呢個禮拜六日都過得幾開心、幾自在

首先，我禮拜六就去左同朋友去馬鞍山游水

我諗都游左大約兩個幾鐘

不過今次可能因為有朋友起度，無落到兩米池 -.-

尋日禮拜日，我就搵左兩位朋友一齊踩單車

而因為兩位都係住起粉嶺

所以我朝早就先用一個鐘既時間，由 MOS 踩去粉嶺

之後我就去粉嶺同上水影巴士

期間一直都係以單車代步

之後搵埋佢地兩個出黎，就開始踩返去沙田

唔同既係，我今次係改踩大埔公路由大埔番沙田

雖然好刺激，但實在太辛苦，比死更難受

我諗只係計上斜路都上左大約半個鐘

之後起中文大學落斜衝落黎九肚山就十分爽

十分鐘內已經落番黎火炭

(今次幾乎全程踩馬路行大埔公路)

之後起火炭村 7 仔食野，食完就踩去歷奇單車公園

踩完歷奇已經 5 點幾，之後我自己踩番屋企

呢兩日真係過得好開心，因為可以搵埋朋友一齊出黎做運動

大家有講有笑，真係好開心同埋好難得