１９／７星期四

生理時鐘好唔平衡

又係５點幾６點起身

經歷咗一個難食既早餐

伍柏行係到串梁梓駿

結果俾我串返ＹＯ神！！

一開波就去八達岭長城

仲以為好少人．．．．．．

自己睇下幾多人啦！

唔知兩樣野有咩關係？

長城同奧運．．．．．．

唔係想影廁所

係入面個ｅｎｖｉｒｏｎｍｅｎｔ

費事影入面俾人話我咩啦

有凳坐架，用黎俾你睇

十幾個尿兜，十幾個廁格

全豪華，一個五星級的廁所．．．．．．勁！

得四條友上咗個好漢坡

累到就黎死，又唔記得帶水．．．．．．

又要跑落去會合返大隊

體能強行谷至極限，落到去即刻坐低咗

有兩蚊一個「長城」，要咗佢啦

走咗去食飯，然後開始一個趕到飛起既團．．．

首先係去頤和園，唔過一個鐘，影相

跟住上車坐咗一個幾鐘，又行咗好耐

終於到咗故宮啦

但係．．．．．．

第一，大部分故宮既景點都維修緊

看一看正門就可見一班．．．．．

第二，遊覽時間．．．．．．１０分鐘

行都費事行，出去買咗一個紀念品

又走ｌｕ，最火爆既一個景點

跟住食飯，同樣地，１０分鐘．．．

咩叮叮噹噹都唔唱，有野上就搶

又要走，去北京大學唱歌．．．．．．

唱「紅日」同「始終有你」

大連北京個班人都未到，我地到咗

都唔知咁趕做咩．．．

唔知過咗幾耐，去ｌｕ

返去就涼都唔沖，一上床就訓

因為．．．．．．聽日要２點幾起身．．．．．．

救命呀！咩行程黎架，身體機能漸漸受侵蝕．．