今日十點幾起左身

呢排成日俾人嘈醒...

都唔知邊鬼個

成日晨日流流打電話俾我阿媽

我阿媽個電話鈴聲又鬼死咁大聲

超煩阿!!

煩到我阿媽都收線唔聽...

之後佢仲要再打黎喎

打唔通手機...就打屋企

好想同佢講仆佳...你唔訓人地都要訓架

講番琴日

本身諗住去CWHK 28

點知...

唔識去...

講出黎都有D失禮添...

總之...

我去就去唔到

行就行左成幾個鐘

行個陣唔攰

行完先覺得隻腳就黎斷...

唉......

個日果然係凶日......

之前老豆叫我去買三個包

我又想去還書

咪攞埋D書落下囉

好啦

書係還左啦

搭緊電梯果陣...先記得...未買包...

搞到又要落多去一次

去到OK得番兩個奶球 (我老豆要3個)

咁咪買兩個囉..冇計啦

番到去

諗住出發啦

汁汁D野

去著鞋

但係我腳眼個度有D粒粒  驚整爆左佢

諗住拎左D膠布去貼  但係果陣我已經出左門口

又要番番去

隨手放低D野

貼膠布 著鞋 出門口

先記得...

我條KEY仲留左係屋企......

好彩果陣老豆起左身

叫佢拎俾我

果陣都嬲嬲地架啦......天氣又熱

阿媽話叫我去87D

我就等

等左勁耐...差唔多45分鐘

又熱又曬

上到車

問邊度落

點知

搞錯車

原來要搭89D先岩...

一路行番去搭車個陣見到兩架 (但係冇得上車)

行左大約15分鐘  等車

又係差唔多等左45分鐘先有  但係個陣見到幾架87D

真係好想鬧人...

之後又行左好耐好耐好耐好耐好耐好耐..........都搵唔到

咁咪諗住番去囉...

今次就係搵唔到番去既車既車站

又行左好耐好耐好耐

都搵唔到

之後要問D巴士司機先得

........................

個日真係凶日...............