今日朝早7點幾就出左去太和啦∼因為我叫左琳陪我食早餐.......去ｍ記食∼

食左好多野...........豐富的早餐∼跟住８點３５就返學校啦.........

今日全校全日都係係禮堂∼睇表演...........第一個出場ge就係樂瑤啦∼唱"他不准我哭"∼

之後ｄ野都ｏｋ無聊咁啦∼跟住坐係度果陣同曱甴坐∼同佢傾暑假啦........

佢仲send左 d野比我tim.........哈ｘ２∼之後樂瑤又唱多首"forever friend"∼

跟住ｄ人朗誦喎∼爆無聊啦.........之後就係呢個班際ge天才表演∼好搞野∼通常班班都係唱歌跳舞∼

不過最後肥超都冇唱到歌.........佢又話同樂瑤唱∼點知又話燒唔到碟唔唱喎∼唉.....等我仲等左咁耐tim∼

放左學同苳怡去校務處問野∼點知果個黑人憎又話"聽日先黎問宜家唔得閒"∼我就見唔到佢有咩咁唔得閒啦∼

聽日個野都交啦∼你叫我黎問乜呀∼跟住唔理佢都係走左∼聽日先算∼之後去左搵呀媽∼

佢同方太一齊食野........方嘉煒都係度∼佢真係好ｑ高呀∼高我成個頭........有ｄ自卑呀∼

個bb仔超得意~唔捨得放低佢呀∼之後返屋企果陣同呀媽傾暑假ｄ野∼

佢又係度話問我老豆∼我知老豆乜都唔比架啦∼如果唔係我洗乜問你呀∼打橫黎講........

我想獨立都唔得∼乜都唔比我做∼返到屋企自己入左房啦...........5點先出去整身分證∼

去沙田整...一去到就上去身分證果度啦∼跟住係度坐左一陣等到夠鐘就入去整啦∼

原來係好快架炸.....d人都ok好ge∼影左兩次相∼二選一∼跟住再打手指紋就ｏｋ啦∼

原來我右手的手指紋好得意架.....哈ｘ２∼跟住整完之後就話２６號先去拎啦....

之後返左黎大埔∼買仔仔ｄ野食∼見到隻貓仔（真係貓"仔"黎架炸..好細隻）∼叫人地好心收養呀∼

跟住打比姑姑問佢要唔要∼佢話唔要喎∼咁我就放返低佢....走lu......