今朝一早起左身就出去搵曱甴∼ 我地今日比賽呀∼

對馬錦明∼呀ｄｏｇ話都幾勁架∼我地仲要係第一年打∼

人地打左好多年啦．．．． 經驗多我地好多∼

我地７點幾就去左籃球場練射波啦∼９點先開波∼

終於打啦．．．好緊張∼雖然我地好努力去打∼

但係最後都係輸左 ．．．．．２２：３０∼呀ｓｉｒ話都算好啦∼

輸８分∼ 第一年打算係好成績∼

我地打完波之後去左唱ｋ呀∼８個人去唱ｋ呀．．．．

由１２點幾唱到４點幾先走呀∼ 聲都沙埋呀．．．

哈哈．．．不過我地都好唔開心架∼今日輸波∼

仲有兩場打呀∼果兩隊連呀ｓｉｒ都話佢地勁呀∼ 我地都唔知點打∼

我地唱完ｋ就返左黎太和玩左陣 ∼６點幾就返左屋企ｌｕ．．．．

今日１０點幾起左身就同呀媽去左攞卡∼係我自己ｇｅ提款卡．．．．

嘻嘻 ．．．下晝就同左曱甴佢地去睇波∼

我地第一場就係睇我地ｇｅ對手∼都幾勁架．．個個都係男仔頭咁∼

第二場就係男乙∼第三場女甲∼

睇完女甲我同馬騮去左食野呀∼ 因為抵受唔住肚餓ｇｅ引誘．．．．

我地食完返黎就睇男甲啦．．．．

睇完都６點幾啦．．．跟住就返左黎太和∼各自返屋企∼

聽日就到我地打啦．．．． 好緊張呀！！

夜晚就去左女麻度ｂｂｑ∼不過好早走左啦∼ 聽朝要好早起身呀∼

今日一早起左身就出左去ｓｅｖｅｎ食早餐啦 ∼

約哂曱甴佢地出黎呀∼今日要返學校練波呀∼

今日因為呀ｓｉｒ趕時間走 ∼１１點就練完啦∼

跟住我地去左大中呀∼首先陪左慧詩去左剪頭髮∼再陪我去左買鞋∼

我地ｌｕｎｃｈ食左ｄ好高級ｇｅ野呀∼ 哈哈．．．

食完我地就去左海濱玩呀∼係咪好無聊呢．．．．嘻嘻∼

今日同林鎧，馬騮，呀迪，曱甴，慧詩一齊出去玩∼ 真係好開心架∼

今日由朝早７點幾出門口至到夜晚７點先返屋企呀∼ 勁唔勁呢∼！？哈哈∼

今日呀ｓｉｒ冇返呀∼ 數學兩堂都自修．．．

哈哈∼好正呀∼一堂係ｌｕｎｃｈ之前果堂∼

第二堂係最後果堂∼我地係最後果堂勁玩．．．．．

玩得勁開心 ∼呢堂算係我地係３ｅ班最開心ｇｅ一堂呀∼

原來我地宜家先知道∼ 坐我地前面同後面果三個男算係３ｅ班入面最正常ｇｅ男仔呀∼

哈哈．．．．放左學之後我陪左馬騮去買野∼跟住就返左屋企ｌｕ∼今日補習呀嘛∼

聽日又要好早起身啦 ．．．．本來唔洗返學架嘛∼ 又要返去練波∼

不過唔ｍｉｎｄ啦∼星期日比賽∼ 要加油∼

今日我地上ｐ．ｅ堂果陣∼我地係度問ｍｉｓｓ可唔可以著波衫上堂∼

佢話可以呀 ∼不過淨係呢堂炸∼

不過著波衫都係得我同呀銘著炸．．．． 佢地個個都唔著∼

著左出黎先發覺自己好ｋ怪．．．．．．

上完堂我地都冇換返衫∼著住套波衫上堂∼哈哈 ．．ｋ怪呀∼

最後果堂聯課又係打籃球啦．．．．今堂去太和運動場上∼

哈哈．．．．唔洗曬∼聯課之後我地要返學校打比賽呀．．．．

對沙田遁道衛理∼ 佢地果度有個女仔勁似男仔呀∼

如果佢唔係係隊女子籃球隊果度∼我地都以為佢係男仔呀∼

不過都幾令仔架．．．．個個都話” １３號呀１３號令仔呀”

個個都留意住佢∼不過我地緊係唔會啦．．．

我地只係留意我地隊波點呀∼我地隊波開頭領先跟住佢地換左個人∼

佢地有個人射三分超準呀 ∼之後比佢地追返∼好彩我地果隊都唔差∼

我地最後都ｗｉｎ左佢地 ∼好開心呀我地∼

呀ｓｉｒ都話我地打得好好呀∼不過都係有ｄ地方要鬧∼

打完我就返左屋企ｌｕ．．． 本來星期五唔洗返學架∼

點知要返學校練波喎∼ ８點ｔｉｍ呀∼勁早∼

星期日打學界要加油加油∼＊＊