今日一起身．．．．就暈暈地啦∼ 口喉爆痛∼！！

我老母又話要出街唔理我∼咁我咪去我呀女麻度囉∼

廢事係屋企暈左都唔知咩事∼！！過到去探熱∼睇下有冇發燒∼

原來有呀 ．．．１００．２度呀∼即刻食退燒藥＆消炎藥∼

食完有ｄ支力 ∼就訓覺啦．．．．訓到夜晚∼

跟住老豆接左我返屋企∼返到屋企又訓過．．．．

今日朝早去左接雪雪同琳入黎我屋企∼ 因為整蛋糕呀．．．！

執齊哂野∼就開始啦∼我地要整３個∼

整第一個果陣∼ 係整到亂七八糟架∼！！

到整第二個∼都算好啦∼第三個果陣發覺唔夠材料∼所以要減少果ｄ材料∼

不過都整到．．．．跟住３個放哂入雪櫃∼

放完之後就開始玩啦．．．首先就玩電腦∼跟住雪雪話要玩化妝∼

我地３個一齊化∼ 都算幾好ｇｅ．．．．．

化完妝就整蛋糕啦∼整ｄ裝飾落去∼超令呀．．．．．

整完∼就走啦．．．．．我地驚ｄ蛋糕會溶∼ 諗左好耐先諗到辦法呀∼

終於出得門口啦．．．．我就去呀女麻度∼佢地就返太和．．．

去到呀女麻度．．．．我就將ｄ蛋糕放返入雪櫃∼

等佢地打完”麻雀”我就ｃｕｔ蛋糕啦∼

嘩．．．個樣好令∼不過就好重芝士味∼有ｄ話好食∼有ｄ話太重芝士味∼

各有各睇法啦．．．！！夜晚去左食壽司．．．．．

今日一早整好哂ｄ野∼就返學啦∼諗住叫呀媽車啦∼

一落到樓梯∼開門∼嘩 ∼條路變左條河呀．．．．．

水浸呀．．．．點返學 ∼仲要考試架∼！！

跟住叫左我老豆起身∼佢叫我除哂ｄ鞋，密呀∼行出去∼上到車著返∼

唯有係咁先出到去∼上到車∼即刻攞條毛巾抹腳∼

著鞋∼唉．．． 真陰公．．．．．

坐車果陣仲要落大雨∼返到學校又係溫書∼

１０點幾開電視∼ 紅色暴雨呀．．．．不過都係冇得走架啦∼

今日係最後一日考試呢．．．．開心∼

考ｍａｔｈｓ．．．．．．今日派左中史ａｎｄ地理卷呀∼

中史９２分∼地理６３分∼ ｈｅｅｈｅｅ．．都算好啦∼

放左學之後去左買蛋糕材料∼買完我就拎返屋企啦∼

超重．．．．．

今日考科學ａｎｄ英文作文∼

作完文又訓∼檸樂又話我熊貓喎．．．黑人憎∼！

放學果陣去左雪雪屋企∼佢教我ｍａｔｈｓ．．．．

教完就去睇個蛋糕點整∼

星期六整蛋糕∼期待 ∼！！聽日就去買材料∼

５點到∼我係佢屋企走啦∼叫左我呀媽黎Ｍ記接我∼

接完我地去左康樂園果陣百佳入貨∼我就順便買Ｄ材料∼

聽日唔洗買咁多∼買完落大雨喎 ∼好彩有遮∼唔係就變落湯雞啦．．．．

跟住返左屋企ｌｕ．．．．

今日返到去又係溫溫溫溫溫．．．．書∼

溫果陣一路聽住ＭＰ３ ∼差唔多全班都聽緊ＭＰ３呀∼

哈哈．．．．呀ｓｉｒ唔知∼食完ｌｕｎｃｈ又考試啦∼

考歷史ａｎｄ英文∼考英文果陣∼好快做完∼就訓啦．．．．

訓醒走果陣∼檸樂話我係熊貓呀 ．．．．因為我訓到塊面紅哂∼

跟住我要遮住塊面走呀．．．．同琳一齊走∼都係去搭車返屋企ｊｅ∼