一辛苦起上黎..時間過得特別快..

時間無日都唔夠用..無計..已經中五..

好快就會有好多野要做..

首先係希望今次樂團演出成功..

有首咁好既歌比我..梗想有個最好既完滿^^

之後就會有一連串既測驗..連星期6既時間都食埋..

然後仲有一連串既社際同學界都將會開始..

打哂所有比賽之後就考試..

會考前仲有學界田徑..之後就到最後既會考..

我知我一講到會考..有人會唔開心..

不過始終都要面對..呢個係我唯一發洩既途徑..

唔知點解今日再三認真咁望清楚你個樣..

我發覺你笑個樣真係好善良..我知你一定做得到!

或者我可能對每一個女仔都咁好..

但係你係最特別個個..唔係因為你成日扭我計..嗲下我..

(雖然真係從來無一個會咁)

而係我覺得你會比我更緊張我d野..

我唔覺得係一回事既野你可以擔心一餐..

我去到最眼訓既時候你會叫醒我叫我去做功課..

我踢波你會同我講一聲小心d..

我想送你返屋企你會話已經好夜..再送就會好夜先訓得..

或者呢d就係我想要既結果..

我既不足..會有個咁錫我..咁為我好既人提我..

呢兩個幾月黎..由毫不著緊到難捨難離..

而家既我已經再無要求..呢幾星期算係我過得最開心既日子..

老婆 多謝你^^

我愛你!