唉...今日嘅測驗以為萬無一失...點知錯咗兩個，共扣兩分...無言

跟住個friend放學嚟咗我屋企，打西方人成日玩嘅game。

而我自己煮咗個麵食，五點九搭車過氹仔。

這天的去到泳池，喺體能室涼冷氣，點知童哥仔打咗個「尋我call」話去跑步，我只好無奈咁狂飊過去。

去到，咁啱班大佬開跑，剩低Holly同童哥仔喺度等我，令我感受到欣慰，難得佢哋等我嘛...

但係着住條牛仔褲點跑呀！算啦，頂硬上。

不過好彩，對Nike黑色跑鞋幫咗我唔少。

跑吓跑吓就開始狂飊，就連余教練嘅控制呼吸法都開始用唔上...

跑完，就去做拉力...無嘢嘅...

之後覺得無聊，就做返班上面啲無聊嘢，玩「忍你好耐」嘅遊戲，玩法呢，懶講。

跟住曼姐腳抽筯，要余教練親自出馬，幫佢鬆腳。

過程超級搞笑，好似生仔咁...

最後走嘅時候，佢隻腳都鬆完，我就講:「嘩！係仔喎！恭喜曬！」

之後我走佢哋嘅反方向搭車返屋企。

To Holly:下次再搵石仔擲你......