今日應咗射擊隊教練嘅邀請去咗射擊館。

朝早八點幾先起身......唔記得咗約咗阿成，跟住一支箭咁走咗去搵佢......

你妹......搵唔到佢，就直接去射擊館。

八點幾個衰太陽超猛......熱到死......仲要我行過去嗰邊......攞命。

結果九點幾去到，冇乜人，自己就去練習。

練到十一點幾，聽到個肚打曬鼓，不過冇嘢食......

到咗大概十二點至一點左右先有飯食。

晏晝繼續練，練到三點幾，即刻執嘢閃人。搭咗體發局專車。

然後陪老媽去街，見到熟人......

跟住走咗去游水，有冇搞錯......游蝶式......

教練好嬲咁問邊個叫你最後嗰位返嚟先去第二組。

我哋指住咗蘇小祥，叫佢去死......

返嚟就記得射擊隊訓練時間為三四五六日。三四五就六點至八點......嘩，我去游泳集訓喎......

不過好彩仲有六同日，時間係朝九晚四，Sat晏就先去練都得......

嘩......我魚與熊掌暫時兼得啊......