2007 年 4 月 3 日  星期二  

內心思想?
咁樣提一提    搞到我諗返起以前D野
仲記得好細個個時好想做家庭主婦
覺得煮飯好得意   好想照顧D BB
但係冇耐之後   我就轉左   話想做作家
仲真係落足心機去寫小說
到而家    唉    都唔知有咩想做
想作曲    唔識玩音樂
想做心理醫生    唔想背野
想嫁個好老公擺就     又唔夠靚唔夠索
想點都唔得
唔知點解    又覺得自己好似愈黎愈陰沉
唔中意同人提到自己諗咩
好多次打BLOG既時候    打到自己諗既野   就BACK晒佢
但係係人地面前我又好多野講WO   有時候都會覺得自己好假
前一排屋企有D事    其實都唔係好關到我事
不過我就係度諗   就趁有D咁既事乘機唔同人講野算
好可惜   一返到學校   我就會變得唔想自己表現到唔開心
我覺得自己好收收埋埋    好多野都唔想俾人知
但係又想人CARE我WO   都唔知想點咁
我由出世到而家   係學校喊過2次
喊完之後   我都覺得自己好瘀皮
BUT個刻我真係堅想喊    想有人可以走過黎同我講句唔好喊
愈大我就愈唔敢喊    就算係個BLOG度打話我今日喊過黎我都唔敢
我怕人地覺得我好扮野   博同情
又唔知點解愈大就愈唔想出街
唔想同人SOCIAL
我好怕會DEAD AIR    但我對陌生人就係會DEAD AIR
愈大   我就愈依賴
好多時我都想有人抱下我
但係我又怕人地知道我冇安全感    覺得我好咋好廢
唉.    諗落.    我而家都唔知似咩.
好似已經唔係自己.